Ձեր վստահելի աղբյուրը

«Մենք գտնվում ենք այնպիսի վիճակում, որ շատ արագ, վճռական, համախմբված գործողությունների կարիք կա և մենք դրա նախաշեմին սահմանին ենք կանգնած»,-Ազատության հրապարակում կազմակերպված «Դուք ձերբակալված եք. ի՞նչ անել» խորագրով քննարկման ժամանակ ասաց իրավապաշտպան Ռուբեն Մելիքյանը:

Նրա խոսքով՝ այդ սահմանն որոշակիորեն առնչվում է նևա քաղաքացի-ոստիկանություն հարաբերությունների հետ, և կազմակերպված քննարկումը կարևոր է քաղաքացիների համար՝ իրենց իրավունքներն իմանանալու տեսանկյունից:

Իրավապաշտպանը տեղեկացրեց, որ նախկինում հավաքները կանոնակարգող ամբողջական նորմ չկար, բայց հետագայում ընդունվել է «Հավաքների մասին» օրենքը, որը եվրոպացիների կողմից բարձր է որակվել:

«Այն ինքնին չափանիշ չէի ուզի համարել, բայց իմացեք, որ օրենքը ժամանակին բարձր գնահատականի է արժանացել և այն նշանակում է, որ քաղաքացիների իրավունքները պաշտպանված են»,-հայտնեց Մելիքյանը:

Ըստ իրավապաշտպանի՝ հավաքների ազատությունը միայն հավաքներին չի վերաբերում, այլև՝ ուղեկցող շատ հանգամանքների:

Այդ տեսանկյունից Ռուբեն Մելիքյանն օրենքի խախտում համարեց  Ազատության հրապարակում վրանների հետ առաջացած հարցը, երբ ոստիկանները հեռացրել էին դրանք: