Ձեր վստահելի աղբյուրը

«Մոսկվայում կարևորագույն պայմանավորվածություններ ձեռք բերեցինք տարածաշրջանային կոմունիկացիաների բացման սկզբունքների հարցում՝ արձանագրելով ՀՀ-ի և ՌԴ-ի մոտեցումների նույնականությունը: Նույն կերպ կարող ենք արձանագրել մեր բոլոր միջազգային գործընկերների մոտեցումների ընդհանրությունը»,-կառավարության նիստում Մոսկվա կատարած պաշտոնական այցի արդյունքները ներկայացրեց Նիկոլ Փաշինյանը:

Նա վերահաստատեց ՀՀ պատրաստակամությունն՝ օր առաջ մեկնարկել արևելքը արևմուտքին միացնող երկաթուղագծի և ավտոճանապարհների շինարարությունը ՀՀ տարածքով:

Փաշինյանը  հույս հայտնեց, որ այդ հարցով զբաղվող եռակողմ աշխատանքային խումբը՝ երեք երկրների փոխվարչապետերի համանախագահությամբ առաջիկայում կկարողանա պրոցեսը մեկնարկելու համար անհրաժեշտ փաստաթղթեր մշակել և համաձայնեցել:

«ՌԴ նապագահի հետ բանակցությունների հաջորդ արդյունքը ԼՂ հիմնախնդրի կարգավորման համատեքստում ԵԱՀԿ Մինսկի խմբի համանախագահության միջազգային մանդատի կարևորության ընդգծումն էր՝ սրանից բխող քաղաքական հետևանքներով: Եթե արձանագրենք, որ մոսկովյան այցի նախորդող օրերին Հայաստան էին այցելել Մինսկի խմբի ռուսաստանցի, ֆրանսիացի և ամերիկացի համանախագահողները՝ ապա կարող ենք ասել, որ ԵԱՀԿ մինսկի խմբի լուծարաման մասին գնահատականները հիմնավորված չեն: Մենք հստակ տեսնում ենք, որ համանախագահող բոլոր երկրները ԼՂ-ի խնդրի կարգավորման իրենց մանդատին հավատարիմ են մնում՝ չնայած այն հանգամանքին, որ Ուկրաինայում ծավալվող իրադարձությունները համանախագահների համատեղ աշխատանքի համար դժվարություններ են ստեղծել»,-հայտնեց գործադիրի ղեկավարը:

Փաշինյանի խոսքով՝ երբ նույնիսկ այս պայմաններում համանախագահները գործում են, այցելում եմ տարածաշրջան և քաղաքական մակարդակով ամրագրում են իրենց հանձնառությունը արցախյան հիմնախնդրի կարգավորմանը, այն  լավատեսոթյան հիմքեր են տալիս: