Ձեր վստահելի աղբյուրը

«Ցանկանում եմ ուրախալի լուր հայտնել այն մասին, որ համաշխարհային սպորտային քարտեզում Հայաստանը շարունակում է ընդլայնել իր դիրքերը: Երկու օր առաջ Ծանրամարտի եվրոպական ֆեդերացիան հաստատեց, որ 2023 թվականի մեծահասակների ծանրամարտի Եվրոպայի առաջնությունը կանցակցվի երևանում՝ ապրիլ ամսին»,-կառավարության նիստում տեղեկացրեց ԿԳՄՍ նախարար Վահրամ Դումանյանը:

Նրա խոսքով՝ առաջնությունը լինելու է վարկանիշային՝ «Փարիզ-2024» օլիմպիական խաղերի համար:

Անցնելով գործադիրի օրակարգային հարցին՝ Դումայանն ասաց. «Դիլիջանի Պարզ լիճ տանող ճանապարհի 4000 մետր ճանապարահատվածում նախատեսված է այս տարվա ապրիլի 14-ին կազմակերպել և անցկացնել Հայաստանի վարչապետի գավաթ՝ դպրոցականների թիմային խճուղավազգի մրցույթ, որի նպատակն է թիմային վազքի և առողջ ապրելակերպի մասսայականացումը, բնակչության շրջանում ֆիզկուլտուրայի և սպորտի քարոզչությունը»,-հայտնեց նախարարը՝ չնկատելով, որ շփոթում է մրցումն անցկացնելու օրը:

Դոմանյանի խոսքով՝ մրցաշարին կարող են մասնակցել Երևանում, մարզերում և Արցախում հաղթող ճանաչված լավագույն 12 թիմերը, որոնցից յուրաքանչյուրի կազմում կլինեն 7 աշակերտ՝ 5 տղա և 2 աղջիկ: 

«Նախագծով նախատեսվում է ԿԳՍՄ ընդհանուր հատկացումների հաշվին կատարել վերաբաշխում և 24.3 մլն դրամ փոխանցել միջոցառման ֆինանսավորմանը»,-ասաց նախարարը:

Նիկոլ Փաշինյանը նախագծի դրական կողմն երկար ներկայացնելուց հետո շտկեց նախարարի վրիպակը՝ նախագծից ընթերցելով և հայտարարելով, որ մրցաշարն, այնուամենայնիվ, կանցկացվի մայիսի 14-ին:

Նկատենք, որ նման վրիպակներ նախարարն առաջին անգամը չէ, որ թույլ է տալիս: Ապրիլի 19-ին էլ ՌԴ մշակույթի նախարար Օլգա Լյուբիմովայի հետ հանդիպմանը Հայաստանի դրոշն էր հակառակ տեղադրել::