Ձեր վստահելի աղբյուրը

Ազատության հրապարակում 5 օր հացադուլ իրականացրած և երեկվանից դադարեցրած 44-օրյա պատերազմի մասնակիցներ Նվեր Կիրակոսյանն ու Արթուր Ավագյանն այսօր կրկին նույն  հրապարակում են։ Նրանք ասացին, որ կգան, կլինեն նստացույց անող զոհված զինծառայողների ծնողների կողքին, ինչպես նրանք էին իրենց կողքի հացադուլի օրերին։

«Ընդհանուր պրոցեսի մեջ ենք։ Մեր գաղափարները տարածվում են, ընթացքում կհայտարարենք մեր անելիքների մասի»,- ասաց Արթուրը։

Նվերը շարունակեց, որ ձևաչափը փոխվել է, բայց շարունակելու են իրենց գաղափարն առաջ տանել, խոսել հասարակության հետ։

Նրանք հանդիպեցին «Հայրենիք» կուսակցության նախագահ Արթուր Վանեցյանի հետ, ով ապրիլի 17-ին հայտարարել էր անժամկետ բողոքի ակցիաների մեկնարկի մասին՝ գիշերելով Ազատության հրապարակում։

Հիշեցնենք, որ երիտասարդների հացադուլի նպատակն էր անկախության  սերնդի ներկայացուցիչների ուշադրության սևեռումն Արցախի շուրջ ստեղծված իրավիճակին և կոնկրետ՝ գործնական քայլերի կատարման ուղղորդումը։

«Ես և Արթուրը  համարում ենք հացադուլի  նպատակը, այն է ՝  արթնացնել անկախության սրնդի ներկայացուցիչներին, այս փուլում կատարված։ Սակայն մենք գիտենք, որ նրանք շատ են,քան այստեղ հավաքվածները։ Մենք պետք է հանդիպենք և խոսնենք նաև նրանց հետ։ Այսպիսով, ես և Արթուրը որոշել ենք, որ մեր խոսքը չպետք է սահմանափակված լինի այստեղ նստելով, այլ պետք է դիվերսիֆիկացվի»,- երեկ հայտարարել էր Նվեր Կիրակոսյանը։