Ձեր վստահելի աղբյուրը

«Փաշինյանի երեկվա հայտարարություններն ես որակում եմ որպես հետողորմյա նախորդ՝ Ազգային ժողովում իր արած հայտարարությունների, սակայն կարող եմ ասել, որ նա շարունակում է իր մանիպուլյացիան, կիսաճշմարտությունների ոճաբանությունը»,- Ազատության հրապարակում լրագրողներին ասաց «Հայրենիք» կուսակցության անդամ Խաչիկ Գալստյանը։

Նրա խոսքով, Փաշինյանը հերթական անգամ մոլորեցնելու իր տեխնոլոգիաներն է կիրառում, սակայն նա իրական դեմքը պատռել է  ԱԺ-ում ունեցած ելույթի ժամանակ, իսկ սազանդարները, որոնք նստած լսում էին նրան, լայն տիրաժավորել են ելույթի թեզերը, կասկածի տակ են դրել հենց Ազատության հրապարակում 1988–ին ծնունդ առած շարժման նպատակները, գաղափարախոսությունը։ Ըստ Խ. Գալստյանի,  ժողովուրդն արդեն գիտակցում է, թե այս 4 տարվա ընթացքում այս պատուհասներն ինչպես են մոլորեցնել, բոլորի գլուխը պտտեցնել, բայց դրա ժամանակն անցել է, ազգն արթանցել է։

Նա ասաց, որ աշխարհաքաղաքական լուրջ մրցակցության կա ողջ աշխարհում։

«Երբ հայտարարում ես, որ  բալանսավորման քաղաքականություն եմ վարում, դուք փորձում եք ռուսներին բալանսավորել թուրքերով, թուրքերին՝ Իրանով, Իրանին՝ ԱՄՆ-ով, վերջում դու  բալաստի ես վերածվելու ու պարաշյուտից քեզ ցած են  շպրտելու որպես անպետք իր։ Փաշինյանը Հայաստանը, ըստ էության, այսպիսի մեծ ու կործանարար խաղի մեջ է ներքաշում»,- նշեց Խաչիկ Գալստյանը։