Ձեր վստահելի աղբյուրը

Ջահերով երթի մասնակիցներն Ծիծեռնակաբերդի բարձունքում խոստացան՝ լինել Արցախի կողքին են։ 

«Հայ մարդն ամբողջ աշխարհին ցույց տվեց, որ ինքը տեր է իր իրավունքներին, պատրաստ է պայքարելու իր երկրում ապրելու իրավունքի համար, տեր է Արցախին, տեր է իր անժամանցելի իրավունքներին։
Այո, այսօր հայ ժողորդի համար պատմական օր է։ Սիրելի քաղաքացիներ, սկսեցինք «զարթնիր լաո», և դա աշխատեց։ Այսօրվանից «լաոն» զարթնում է, այսօրվանից մենք պետք է բացենք նոր արշալույս»,- Հայոց ցեղասպանության զոհերի հուշահամալիրում «Զարթնի՛ր, լա՛ո» խորագրով ջահերով երթի ավարտին  հայտարարեց ՀՅԴ ԳՄ ներկայացուցիչ Իշխան Սաղաթելյանը։

Նա պատմեց, որ քիչ առաջ ճանապարհին մի նամակ է ստացել արցախցի մի պատանուց, ով ասել է՝ մեզ մենակ չթողեք։

«Ես, իմ ընկերները, ցանկանում են նաև բոլորս միասին արցախցի այդ պատանուն ու բոլոր արցախցիներին խոստանանք այս սուրբ և խորհրդանշական վայրում, որ մենք իրենց մենակ չենք թողնելու։

Մենք մեզ խոստանանք, որ տեր ենք մեր հայրենիքին, տեր ենք մեր իրավունքներին և պատրաստ ենք մարտնչել դրա համար։

Բոլորս միասին այս սուրբ վայրում  մեր նահատակների, մեր ժողովրդի առաջ միմյանց խոստանանք և շարունակենք այս սրբազան պայքարը։

Դեպի առաջ, դեպի հաղթանակ, բոլորս միասին պիտի կերտենք նոր արշալույս»,- ասաց Սաղաթելյանը։

Այնուհետև Ծիծեռնակաբերդի ամբողջ բարձունքում տարածվեց՝ «ես Արցախի կողքին եմ» «ես արցախի կողքին եմ»։