Ձեր վստահելի աղբյուրը

«Իրազեկման առաջին փուլի գործողությունը մենք հասցրել ենք ավարտին, ունենք գրեթե 100 տոկոսանոց արդյունք»,-Ազատության հրապարակում լրագրողների հետ զրույցում ասաց «Հայրենիք» կուսակցության նախագահ, ընդդիմադիր պատգամավոր Արթուր Վանեցյանը։

Հիշեցնենք, որ նա ապրիլի 17-ին Ազատության հրապարակում հայտարարեց բողոքի անժամկետ ակցիաների մեկնարկի մասին՝ օրեր շարունակ գիշերելով հրապարակում։

Ընդդիմադիր գործիչն ասաց, ապրիլի 17-ից ի վեր Ազատության հրապարակ են եկել հազարավոր մարդիկ, հայրենասերներ, որոնք հասկանում են, երկիրն իրապես գտնվում է վատ վիճակում, հասկանում են, որ եկել է ժամանակը հստակ պահանջով վերջ դնել այս իշխանությունների գոյությանը քաղաքական ասպարեզում։

«Մենք շարունակում ենք հայտարարած բողոքի անժամկետ գործողությունները, գիշերելու ենք այստեղ, 24 ժամ լինելու ենք այստեղ։ Բայց երկրորդ փուլը, որի մեկնարկը տրվեց ապրիլի 25-ին, ավելի ակտիվ է լինելու։ Կլինեն երթեր, քաղաքացիական անհնազանդության ակցիաներ»,-ասաց Վանեցյանը՝ նշելով, որ իրենք երկխոսում են ժողովրդի հետ։

Նրա խոսքով, առկա է 100 տոկոսանոց կոնսենսուս, որ այս իշխանությունը ձախողել է բոլոր ոլորտներում, պետության հիմքերը խարխլված են։

«Ուստի մենք պետք է մարդկանց ասենք, սիրելի ժողովուրդ, չհիսաթափվեք, մենք պայքարելու ենք մենչև վերջ»,-նշեց նա։