Ձեր վստահելի աղբյուրը

Ազատության հրապարակից մեկնարկել է «Հայրենիք» կուսակցության նախագահ Արթուր Վանեցյանի գլխավորած իրազեկման երթը։  Վարորդներն իրենց մեքենաների ազդանշաններով ողջունում են երթի մասնակիցներին։

«Հայաստան ոտքի», «Արցախ ոտքի», «հայ ազգ, ոտքի» վանկարկում է Արթուր Վանեցյանն ու ակցիայի մասնակիցները։ 

«Մեր պայքարը ցույց է տալիս, որ հայը չի հանձնվել, հայի արժանապատվությունը չի վերացել։ Մենք ուժեղ ենք միասին։ Մենք համբերատար ենք և անպայման հասնելու ենք մեր նպատակին Իսկ մեր նպատակն է՝ ունենալ անվտանգ Հայաստան, Արցախ և մեր մեծ հայրենիքում ապրող արժանապատիվ քաղաքացի»,- հայտարարեց Արթուր Վանեցյանը։ 

Լրագրողների հետ զրույցում նա ասաց, որ առաջիկա օրերին կլինեն ավելի շատ բողոքի ակցիաներ, մեր հայենակիցները ավելի շատ դուրս կգան փողոց. «Մենք փողոցում կունենանք այն կրիտիկական զանգվածը, որի դիմաց այլևս իշխանությունը չի կարող դիմակայել։ Փաշինյանը չի կարող ուժ կիրառել ժողովրդի նկատմամբ, երբ լինի այն քանակը, որը մենք սպասում ենք, հատկապես, երբ տեսնում ենք, թե ինչպես է փոխվել մարդկանց վերաբերմունքը»։