Ձեր վստահելի աղբյուրը

«Հայաստանը մեր տունն է, Արցախը մեր տան բակն է, այս ապաշնորհները այդ բակի մի մասը հերիք չի տվել են թշնամուն,  հիմա ուզում են ողջ բակը հանձնեն, որ գա, մեր դուռը ծեծի, իսկ մեր դուռն է Սյունիքը, Տավուշը, Գեղարքունիքը»,- բողոքի ակցիայի ժամանակ հայտարարեց ԱԺ «Հայաստան» խմբակցության պատգամավոր, «Վերածնվող Հայաստան» կուսակցության նախագահ Վահե Հակոբյանը։

Նա կոչով դիմեց այն քաղաքացիներին, ովքեր դեռ չեն միացել իրենց ակցիաներին. «Զարթնեք, լաոն արդեն զարթնել է։ Տաս օրից չեք կարողանալու նայել ձեր երեխաների աչքերին։ Սրանց պետք է րոպե առաջ վռնդել։

Սրանք չեն կարողանում իրենց վախերը կառավարել, ուր մնաց երկիրը կառավարեն։
Այս պայքարը պետք է տանենք ու հասցնենք տրամաբանական ավարտին, իսկ ավարտը միակն է՝ Նիկոլ գնա, մեր կյանքից հեռացիր»։

Այնուհետև ակցիայի բոլոր մասնակիցները միասին վանկարկեցին՝ «Նիկոլ հեռացիր», «Նիկոլ հեռացիր»։