Ձեր վստահելի աղբյուրը

Ազատության հրապարակում մեկնակել է «Հայրենիք» կուսակցության կազմակերպած իրազեկման երթը։

Վանեցյանը երթի մեկնարկից առաջ իր ելույթում հայտնեց, որ շարժումն օր օրի նոր թափ է առնում՝ոչ միայն Ազատության հրապարակում, այլև Երևանի տարբեր շրջաններում, Հայաստանի մարզերում և գյուղերում։

«Մենք արդեն չգիտենք, թե ովքեր են դուրս գալիս փողոց և ասում՝ «համաձայն չեն․․․»։ Համաձայն չեն կորցնելու իրենց արժանապատվությունը, համաձայն չեն հայրենիքը մաս-մաս հանձնելու թշնամուն։ Ես երկար եմ մտորում,թե ինչ ենք մենք անում։ Ի վերջո մարդիկ գալիս և հարցնում են, ի՞նչ եք դուք ուզում, իշխանափոխությո՞ւն։ Ես պատասխանում եմ՝ իշխանափոխությունը հիմնական նպատակին հասնելու միջանկյալ միջոց է։ Այո', առաջին հերթին պետք է հասնենք իշխանափոխության, որ հետո կարողանանք ունենալ մեր բոլորի երզանքը՝ հզոր երկիր, մեծ հայրենիք՝ Արցախ և Հայաստան և այդ երկու հողում ապրող արժանապատիվ հայ մարդ։ Հայի արժանապատվությունը ոչ ոք չի կարող տրորել։ Մենք արժանապատվություն ունեցող ազգ ենք, նամուս,թասիբ ունեցող ազգ ենք, մենք ավանդույթներով ազգ ենք, մենք պատմություն, մշակույթ ունեցող ազգ ենք և որևէ մեկը չի կարող  մեզանից այն զրկել»,- ասաց Վանեցյանը։

«Հայրենիք» կուսակցության ղեկավարը իր ելույթի ավարտին տեղեկացրեց, որ շարժմանն իր աջակցությունն է ցույց տալիս  հայտնի երգչուհի Նունե Եսայանը։

«Հայաստան ոտքի», «Արցախ ոտքի» վանկարկումներով մեկնարկեց երթը։