Ամեն ինչ լավ է լինելու, մնացել է մի քանի օր.Արթուր Վանեցյանը դիմեց իրեն միացած ՀՀԿ-ի նախաձեռնած երթի մասնակիցներին

Քաղաքական 18:29 28/04/2022 Հայաստան

Ամեն ինչ լավ է լինելու, մնացել է մի քանի օր.Արթուր Վանեցյանը դիմեց իրեն միացած ՀՀԿ-ի նախաձեռնած երթի մասնակիցներին

ՀՀԿ-ի նախաձեռնած բողոքի երթը Հանրապետության հրապարակից շարունակեց շարժվել դեպի Նալբանդյան-Սայաթ Նովա փողցներ: Բազմաթիվ քաղաքացիներ են միացան ակցիայի մասնակիցներին:

Իրենց տան պատուհաններից երթիմասնակիցներին են ողջունում քաղաքացիները:

Ցույցի մասնակից ամերիկահայ Իգոր Թումասովը հայտնեց, որ սփյուռքում անհամբեր սպասում են այս երթին և ուրախանում են, որ վերջապես հայերը հավաքվեցին, քանի որ կարոտել են ժողովրդի միասնությանը:

«Չեմ հասկանում, ինչպե՞ս կարող է Նորավանք, Վահանավանք ստեղծող ազգն ընտրի նման տականք, ես խոսք չեմ գտնում, այն աբսուրդ է»,-ասաց Թումասովը:

Ակցիայի մասնակիցները տանում են մեծ սև պաստառ՝ «STOP Նիկոլ» գրառմամբ և վանկարկում՝ «Առանց Նիկոլ Հայաստան»:

Երթի ավարտին ցուցարարները միացան Ազատության հրապարակում նստացուց անող «Հայրենիք» կուսակցության առաջնորդ Արթուր Վանեցյանին:

Վերջինս ողջունեց ցուցարարներին և ասաց. «Բոլորս ունենք մեկ նպատակ, այն արդար է ու ճիշտ: Մեր նպատակն է՝ ունենալ հզոր հայրենիք, հզոր Արցախ, Հայաստան և այնտեղ ապրող արժանապատիվ հայ: Հայի արժանապատվությունը ոչ ոք չի կարող խլել, չի կարող մեզանից խլել հարենիքը ու երկիրը: Այդ պատճառով էլ այստեղ հավաքված այս հոծ բազմությունը, վաղն ավելի է շատանալու:

Ժողվուրդ ջան, եկեք բոլորս մի բռունցք դառնանք և բոլորս իրար հետ ասենք, որ մեքն թշնամուն զիջելու հայրենիք չունենք, ես տեսնում եմ, որ հայ ազգը ոտքի է կանգնել, Հայաստանը ոտքի է կանգենլ: Ամեն ինչ լավ է լինելու, մնացել է մի քանի օր»:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: