Ձեր վստահելի աղբյուրը

ԱՄՆ վարչակազմը կարող է ծախսել միայն 250 միլիոն դոլար Ուկրաինային ռազմական օգնություն տրամադրելու համար, ինչը մնում է այս տարվա մարտին Կոնգրեսի կողմից այդ նպատակով հատկացված 3,5 միլիարդ դոլարից։ Այս մասին հինգշաբթի ճեպազրույցում հայտարարել է Սպիտակ տան մամուլի քարտուղար Ջեն Փսակին։

«Ինչպես գիտեք, մենք ունեինք 3,5 միլիարդ դոլար անվտանգության աջակցության համար, որից մնացել է մոտ 250 միլիոն դոլար: Իհարկե, մենք կաշխատենք արագացնել և դա տրամադրել ուկրաինացիներին, բայց որպեսզի շարունակենք օգնել նրանց, օգնել նրանց ունենալ անհրաժեշտ զենքեր, հրատապ անհրաժեշտություն կա առաջ շարժվել այս ֆինանսավորման հարցում»,-ասել է նա: Ինչպես գրում է ՏԱՍՍ-ը Ճեպազրույցի սղագրությունը տարածել է Սպիտակ տան մամուլի ծառայությունը։

Հինգշաբթի նախագահ Ջո Բայդենը Ուկրաինայի անվտանգության, տնտեսական և հումանիտար օգնության համար ԱՄՆ Կոնգրեսին լրացուցիչ 33 միլիարդ դոլար տրամադրելու խնդրանք էր ներկայացրել: Ինչպես պարզաբանել են Սպիտակ տնից, այդ նպատակների համար մարտին Կոնգրեսի կողմից հաստատված գրեթե բոլոր միջոցները ծախսվել են։ Այս առնչությամբ նոր հարցում է ուղարկվում օրենսդիրներին.