Ձեր վստահելի աղբյուրը

«Հայրենիք» կուսակցության նախագահ Արթուր Վանեցյանը Ազատության հրապարակում հավաքված աջակիցներով, կողմնակիցներով շարժվեց դեպի Ֆրանսիայի հրապարակ, ուր քիչ անց մեկնարկելու է հանրահավաք։

Նախքան երթը Արթուր Վանեցյանը հայտարարեց. «Նահատակված հերոսների առաջ խոնարհվելով՝ խոստանում ենք, որ իրենք իրենց ամենաթանկը իզուր չեն տվել ամենաթանկին, մենք պարտավոր ենք հիշել, պաշտպանել և պարտավոր ենք այդ բոլոր տղաների առջև, և մենք անպայման հասնելու ենք մեր նպատակին»։

Դիմելով քաղաքացիներին՝ նա ասաց, որ չեն հոգնելու, մի քանի օր՝ անձրև, ցուրտ լինի, որևէ բանից չեն վախենալու ու գնալու են առաջ։

«Ձեզ հետ ենք, պարոն Վանեցյան»,- արձագանքեց մի կին։

Արթուր Վանեցյանն ասաց, որ իրավապահները պարտավոր ենք ապահովել իրենց անվտանգությունը, եթե որևէ մեկի քթից արյուն եկավ, պատասխանատվությունն ընկնում է իշխանությունների վրա։

«Խնդրում եմ, հորդորում եմ՝ եթե կլինեն սադրիչներ, մարդիկ, ովքեր կփորձեն սադրել, ուժ կիրառել, հանեք ձեր շարքերից, դուրս շպրտեք, դրանք մեր կողմնակիցները չեն, ուղարկված մարդիկ ենք։ Մենք որևէ մեկին որևէ վնաս հասցնելու նպատակ չունենք»,- ասաց Վանեցյանը։