Նախագահ Սերժ Սարգսյանը մասնակցելու է հանրահավաքին, բայց թե ո՞ր ժամին և ինչպես հետո կտեսնենք. Արմեն Աշոտյան

Քաղաքական 16:31 01/05/2022 Հայաստան

Նախագահ Սերժ Սարգսյանը մասնակցելու է հանրահավաքին, բայց թե ո՞ր ժամին և ինչպես հետո կտեսնենք. Արմեն Աշոտյան

«Վախից մարդկանց մոտ կամ փորկապություն է լինում կամ փորլուծություն: Ես որպես բժիշ Նիկոլին դեղատոմս եմ գրել՝ Իմոդիում է խմում, օրը երկու անգամ ու հանգիստ նստում է, պետք չէ գարշահոտություն գցել մեր երկում, առանց այն է իրենից այդ հոտն է գալիս»,-Ֆրանսիայի հրապարակում լրագրողին ասաց ՀՀԿ փոխնախագահ Արմեն Աշոտյանը:

Նրա խոսքով եթե ոստիկանությունը սադրանքների մասին տեղեկություն ունի, ապա պարտավոր է գնան բռնեն նրանց:

«Սադրանք անողի մերը…ՀՀԿ-ն, մյուս քաղաքական ուժերն այստեղ հավաքված տասնյակ հազարավոր մարդիկ սադրանքների մեջ շահագրգռված չեն: Հակառակ դեպքում ընտանիքով չէի գա, կնոջս ու երեխայիս հետ չէի գա, հայրս չէր գա»,-ասաց Աշոտյանը:

Հայտարարելով, որ սադրանքն իշխանություններին է պետք՝ ՀՀԿ փոխնախագահն ասաց. «Բոլոր այն մարդիկ, ովքեր սադրանք կանեն, նիկոլականների կողմից ուղարկված սադրիչներ են, բոլոր նրանք, ովքեր այսօր կփորձեն ուժ կիրառել նիկոլական սադրիչներ են: Ընդդիմության, հանրահավաքը կազմակերպողների մեջ չկա մեկ մարդ, որը շահագրգռված լինի սադրանքների մեջ: Այն Նիկոլի պրոֆեսիոնալ մասնագիտությունն է, նա սադրանքների մեջ գրոսմայստեր է: Այսօր հանրահավաքում եթե որևէ մեկի մազը գլխից ընկավ, նույնիսկ՝ իմ եզակի մնացած մազերից, Նիկոլը պատասխան է տալու»:

«Նախագահ Սերժ Սարգսյանը, որպես ՀՀ երրորդ նախագահ, որպես ՀՀԿ ղեկավար, որպես Հայաստանի քաղաքացի այս մեկնարկած պայքարի հիմնասյուներից մեկն է եղել, կա ու կմնա»,- հայտարարեց Արմեն Աշորյանը և նկատեց որ դեռ 2018 թվականից են այս պայքարը սկսել:

Նրա խոսքով՝ պայքարը ժողովրդական է, ոչ թե միայն ընդդիմությանը , և կարծիք հայտնեց, որ Սերժ Սարգսյանը մասնակցելու է հանրահավաքին, բայց թե ո՞ր ժամին և ինչպես՝ հետո կտեսնեն:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: