Ձեր վստահելի աղբյուրը

«Ոստիկանը Նիկոլ չի», «ոստիկանը Նիկոլ չի»՝ բղավում են ճանապարհը փակած երիտասարդներն ու ՀՅԴ ԳՄ ներկայացուցիչ, «Հայաստան» դաշինքի անդամ Իշխան Սաղաթելյանը։

Ոստիկաններն անընդատ քաշքշելով բերման են ենթարկում ակցիայի մասնակիցներին։

«Ոստիկանությունն ագրեսիվ, բիրտ ուժ է կիրառում, կան բերման ենթարկվածներ, ողջ ներքին զորքերը, կարմիր բերետավորները, մարզերի ոստիկանությունն ամբողջը վայրենու պես հարձակվում են ժողովրդի վրա։ Բայց չեն հաջողի, սա կասեցնել հնարավոր չէ»,- ասաց Ի. Սաղաթելյանը։

Նա նշեց, որ ժողովուրդը ոտքի է ելել, հնարավոր չէ այս ամենը կանգնեցնել, թեև ոստիկանների գործողություններին՝ բռնում են, խփում։

«Նիկոլ չկա։ Մնացել է  ոստիկանների հույսին։ Ոստիկանների մեջ կան մարդիկ. չգիտեմ ում կողմից են ղեկավարվում, բայց արդեն գնալով  հաստատում է  այն լուրը, որ որոշ  օլիգարխներ  ոստիկանության գլխարկների տակ մարդիկ ունեն։ Մի մասը պարկեշտ իր գործն են անում, մի մասն իրենց պահում է  այլանդակ, ագրեսիվ, լկտի։ Բայց ամեն ինչ որոշված է, ամեն ինչ պարզ է, ավարտված է։ Նիկոլ չկա, առաջիկա ժամերն էլ վերջնական կփաստեն»,- ասաց Իշխան Սաղաթելյանը։