Ձեր վստահելի աղբյուրը

«Ասում են՝ եթե Հայաստանում լինի իշխանափոխություն, ապա Ալիևը կջղայնանա ու պատերազմ կլինի։ Ժողովուրդ ջան, խաբում են Ձեզ, պատերազմով փորձում են վախեցնել։ Պատերազմ կլինի,եթե Նիկոլը մնա իշխանության, քանի որ Ալիևին տված խոստումներ ունի, ինքը կզել ա թուրքի առաջ, կամ պետք ա իր խոստումներն իրականացնի կամ տանելու են նոր պատերազմի, որպեսզի պատերազմով հանձնեն, հետևաբար՝ Ձեզ խաբում են։ Եթե պատերազմ լինի, Նիկոլով է լինելու։ Վստահ ասում եմ, եթե Նիկոլը գնա, իրավիճակն այլ է լինելու։ Դուք Ալիևին խոստում եք տվել, բայց այս ժողովրդի կողմից մանդատ չունեք, որքան հնարավոր է շուտ նետվեք գրողի ծոցը»,- այս մասին Ֆրանսիայի հրապարակում քայլերթից հետո շարունակվող հանրահավաքի ընթացքում հայտարարեց «Հայաստան» խմբակցության պատգամավոր Իշխան Սաղաթելյանը։

Անդրադառնալով մեկ այլ շահարկվող հարցին, թե Նիկոլը, որ գնա , ի՞նչ է լինելու, Սաղաթելյանն արձագանքեց․

«Նախ որ Նիկոլը գնա, լավ է լինելու։ Բայց ինչպիսի՞ Կառավարություն է ձևավորվելու։ Ես մի քանի անգամ ասել եմ, որ Նիկոլին հեռացնելուց հետո ձևաավորվելու է «Ազգային համաձայնության» կառավարություն, որը լինելու է ժամանակավոր։ Չի լինելու որևէ կուսակցության, անհատի կառավարություն, չի լինելու Դաշնակցական, Հանրապետական, Քոչարյանական կամ որևէ մեկի կառավարությունը, լինելու է հայ ժողովրդի կարող ուժերից բաղկացած ազգային կառավարութթյուն»։

Պատգամավորի խոսքով՝ այդ Կառավարությունում չեն լինելու նախկիններ ու ներկաներ, «սևեր ու սպիտակներ», լինելու են կարող մարդիկ, որոնք երկիրն այս վիճակից դուրս են բերելու։