Ձեր վստահելի աղբյուրը

«Սիրելի հայրենակիցներ, գյուղացիներ, ինժեներ, ուսուցիչ, միացե մեզ։ Մեր վերքերը դեռ արնածոր են, մեր տղաների հիշատակը ոտնահարվում է։ Ղարաբաղը մենակ է,մենք պետք է լինենք Ղարաբաղի կողքին, հայի ,արցախցու կողքին»,- այս մասին Ֆրանսիայի հրապարակում քայլերթից հետո շարունակվող հանրահավաքի ընթացքում հայտարարեց ազատամարտիկ Տարոն Տոնոյանը։

Անդրադառնալով, ընդդիմությանը պատերազմ հրահրելու մեջ մեղադրանքներին, Տոնոյանն ասաց․

«Ո՞վ է պատերազմ հրահրում։ Այստեղ զոհվածի ծնողներ են, իրե՞նք են ուզում պատերազմ, որ մնացած որդիներին կորցնեն։ Հադրութեցինե՞րն են ուզում պատերազմ, թե՞ ես և իմ ընկերները, որ բազումներին կորցրեցինք մեր ձեռքերի վրա։ Սիրելի ժողովուրդ, մենք պատերազմ չենք ուզում, բայց առավել ևս ՝ գաղթականի ցուպը չենք ուզում։ Գաղթականի անպատիվ, խեղճ ու կրակ ցուպը չենք ուզում։ Մենք զենք ենք ուզում լինի մեր ձեռքին, որովհետև զենքով պետք է թելադրենք խաղաղությունը։ Զենքով և բանակ ունենալով է ազգի խաղաղություն ունենալու գրավականը»։

 Նրա պնդմամբ՝ պայքարն ապագայի համար է․ «Պինդ եղեք, երեք օրից հաղթանակ ենք տոնելու»։