Ձեր վստահելի աղբյուրը

«Հայաստանի երրորդ նախագահ Սերժ Սարգսյանը բազմիցս հայտարարել է, որ չի պատրաստվում այլևս երկրում զբաղեցնել բարձրաստիճան պետական պաշտոն»,- երթի ժամանակ լրագրողների հետ զրույցում ասաց  ՀՀԿ անդամ Հայկ Մամիջանյանը։

Նա նշեց, որ կարիք լինելու դեպքում կարող է իր խորհուրդներով ուղղորդել նոր սերնդին։

Մամիջանյանն ասաց, որ երեկ հարթակից արդեն հնչել է՝ այս իշխանության հեռացումից հետո լինելու է ժամանակավոր կառավարությունը, որի գործառույթն է լինելու անհապաղ գործողություններ իրականացել, որոնք բխում են երկրի անվտանգությունից, կազմակերպել նորմալ մրցակցային ընտրություններ, ոչ թե չագուճներով, անհասկանալի հռետորաբանությամբ մրցավազքեր։

«Այն կառուցված է լինելու բացառապես մերիտոկրատիայի հիման վրա, այսինքն ըստ արժանիքների։  Չի լինելու որևէ կուսակցության կառավարություն, նրանում անդամ են կազմելու բոլոր այն պրոֆեսիոնալները, որոնց կարիքն այդքան կա մեր երկրում»,- ասաց ընդդիմադիր քաղաքական գործիչը։