Ձեր վստահելի աղբյուրը

«Ես կես տարի առաջ կնոջս և չորս երեխաներիս հետ Կանադայից տեղափոխվել եմ Հայաստան՝ ապրելու և արարելու հայրենիքում, որպեսզի մեր երեխաները հայեցի կրթություն ստանան ,ապրեն անվտանգ Հայաստանում և հպարտ լինեն իրենց պատմությամբ և մշակույթով։ Ցավոք, կարող ենք ասել, որ այսօր այդ բոլորը վտանգի տակ են»,- Ֆրանսիայի հրապարակում տեղի ունեցող հանրահավաքի ընթացքում ասաց հայրենադարձ, ֆինանսիստ Կարեն Մկրտչյանը։

Նա նշեց, որ քաղաքական գործիչ չէ, բայց կարծում է, որ յուրաքանչյուր գիտակից հայի քաղաքացիական պարտավորությունն է , որ երբ ազգն օրհասական վիճակի մեջ է, բոլորն անխտիր պետք է արտահայտնեն իրենց կարծիքն ու կեցվածք որդեգրեն։

Մկրտչյանը տեղեկացրեց, որ այսօր երթին մասնակցել է 77 տարեկան մայրիկի հետ, որ եկել է Բեյրութից։

«Մայրս հայոց լեզվի և գրականության մասնագետ է։ Նա մեծ ուրախությամբ է մասնակցում ցույցերին, քանի որ գիտի ՝ բոլորս միասին պետք է կերտենք Հայաստանի արշալույսը»։

Մկրտչյանը պատմեց, որ կարմիր բերետավորները երբ ուժ են գործադրել  իրենց  նկատմամբ, մայրը չի վախեցել։

Ի դեպ, հայրենադարձ Կարեն Մկրտչյանին ևս այսօր բերման էին ենթարկել։

«Մենք պետք է կերտենք արդար և ուժեղ պետություն։ Մեր պայքարն այլևս անցել է Նիկոլից անդին։ Նիկոլն այլևս էական չէ։ Նիկոլ մարդ չկա, չի լինելու։ Մեր պայքարը պետականության համար է»,- ասաց հայրենադարձը։