Ձեր վստահելի աղբյուրը

Մայիսի 1-ից հունիսի 1-ը Հայաստանում տեղի է ունենում #GARoon IV փառատոնը։

Կազմակերպիչները փորձել են յուրօրինակ ճաշացանկ մշակել, որպեսզի մեկ ամիս անց այն Հայաստանի հյուրերի և բնակիչների մոտ խորը կապվածություն զարգացնի գառան մսով ուտեստների անհավանական ընտրանու հանդեպ։

Այս տարի մասնակիցներից պահանջվում է ներկայացնել առնվազն 3 յուրահատուկ ուտեստ, որոնց նպատակն ու խնդիրն է արտացոլել շեֆ խոհարարների վարպետությունը և զարմացնել ոչ միայն զբոսաշրջիկներին, այլև տեղի բնակիչներին։ Յուրաքանչյուր ճաշատեսակ կմատուցվի Meyron Wine-ի հայկական կարմիր չոր գինի Արենի Ռինդ գյուղից (Վայոց ձոր):

Ձեզ համար պատրաստել ենք որտեղ, ինչ և ինչպես համտեսելու Երևանի ռեստորանների համեղ ուղեցույց:


Սկսենք Թումանյան 40-ից, որտեղ շուրջ երկու տասնամյակ գաստրոնոմիական փորձարկումներով երևանցիներին սիրաշահում է The Club-ը: Խոհանոցը հեղինակային է, ստեղծագործական, սեզոնային ապրանքների շեշտադրմամբ։ Շեֆ խոհարար Հայկ Շաքարյանը ցուցադրել է հայկական բաղադրիչների ոչ ստանդարտ մոտեցում՝ հավելելով ոճավորված մատուցումը։

Խմբագրության ընտրությունը՝ համեմով և աղով տապակած գառան քյաբաբ, մածունից և մեղրային պատոկայից սոուսով։


 
Ընդամենը մի քանի տասնյակ մետր անցնելով՝ հայտնվում ես ընտանեկան ռեստորանում, որտեղ ներկայացված են կովկասյան խոհանոցի ավանդույթներն ու բաղադրատոմսերը. Մոսկովյան, 28 հասցեում ձեզ սպասում է «Չինար» ռեստորանը։ Քաղաքային բնակարանի հարմարավետությունը, ջերմությունը և մթնոլորտը հիանալի համադրություն են հյուրեր ընդունելու և ընկերների հետ հանդիպման համար:

Խմբագրության ընտրությունը՝ գառան ազդր՝ արիշտայով և սնկով (մեծ չափաբաժինը հնարավոր չէ միայնակ հաղթահարել):


 
Սարյան գինու փողոցով կարճ զբոսանքից հետո մենք Արամի 64 հասցեում ենք՝ «Ալյասկա» ռեստորանի վայրի խոհանոցի տիրույթում: Մայրաքաղաքի ամենաշքեղ «վիգվամում» ապաստան կգտնեն որսի, կերակրատեսակների կոպիտ մատուցման, ոչ ստանդարտ մսային լուծումների, ինչպես նաև  ֆիրմային հրեղեն կոկտեյլների և լիկյորների սիրահարները։

Խմբագրության ընտրությունը՝ նորզելանդական գառան սրունքով բուրգեր:



Կայցելենք մայրաքաղաքի գլխավոր հրապարակ, բայց նախ կանգ կառնենք Ամիրյան 4/6 հասցեում, որտեղ կենացների փնջով ձեզ սպասում է «Կովկասի գերուհին» ռեստորանը։ Շեֆ խոհարարները տիրապետում են կովկասյան կծու խոհանոցի գաղտնիքներին, սրտանց պատրաստում և մատուցում են հումորի զգացումով համեմված և ջերմությամբ պատված ուտեստներ։

Խմբագրության ընտրությունը՝ Բում-բարաշկա՝ արգանակ, գառան փափկամիս և կողիկներ,  սպիտակ սոխ, չերի լոլիկ, կծու պղպեղ:



Հանրապետության հրապարակի տուֆային անսամբլով հիանալուց հետո կքայլենք Երևանի ամենահին փողոցներից մեկով, կայցելենք Աբովյան 8, որտեղ գտնվում են ճարտարապետ Վասիլի Միրզոյանի նախագծով 1884 թվականին կառուցված երկու հին շենքերը. դրանք պատկանել են Եղիազարյան եղբայրներին։

«Ոստան» ռեստորանը գտնվում է սև տուֆից կառուցված շենքում, որտեղ վերականգնվել է հին փայտե պատշգամբներով և նստարաններով երևանյան ընդարձակ բակը։ Ռեստորանի երկրորդ հարկում թափանցիկ պատուհաններից այն կողմ կարող եք հետևել հայկական հացի և լավաշի պատրաստման գործընթացին։

Խմբագրության ընտրությունը՝ Կանաչիներով և սպիտակ գինիով շոգեխաշած գառան միս:



Նարնջագույն-վարդագույն տուֆից կառուցված շենքում՝ հայկական խոհանոցի հայտնի «Սալոն» ռեստորանի տեղում, 2022 թվականին բացվել է «Կիլիկիա» ռեստորանը։ Հյուրերին սպասում է թեմատիկ ռեբրենդինգի արդյունքում բարելավված և նորարարություններով լի արևելյան խոհանոցի բազմազանություն:
Խմբագրության ընտրությունը՝ հայկական և ֆրանսիական խոհանոցների համադրումով Գառան միս բլղուրով՝ 12 տեսակի կանաչուց սերուցքային սոուսում։



Եվ ինչպես չայցելենք Երևանի սիրելի հետիոտնային փողոցներից մեկը: Մայրաքաղաքի սրտում՝ Հյուսիսային պողոտա, 3-ում, դուք կգտնեք գողտրիկ օազիս «Չայհոնա»-ում, որը իդեալական վայր է ընտանեկան ու ընկերական ժամանցի, համեղ ճաշկերույթների կամ պարզապես մի բաժակ համեղ թեյի շուրջ հաճելի հանդիպման համար: Հեղինակային դիզայնով ստեղծված տարածքում զգալու եք եվրոպական ձևավորմանը միահյուսված արևելյան ջերմությունը և վայելելու եք ընտիր խոհանոցը:

Խմբագրության ընտրությունը՝ Սամսա Պայ - շերտավոր խմորի մեջ կարտոֆիլի պյուրե, գառան մսի ընտրանի, սպիտակ սոխ և գաղտնի համեմունքներ:

Բարի ախորժակ և սպասեք փառատոնի տարածաշրջանային մասնակիցների մասին ստուգատեսին: