Ձեր վստահելի աղբյուրը

«Հայրենիք» կուսակցության խորհրդի անդամ Արսեն Բաբայանը գրում է. 

«Սիրելի հայրենակից,

երբ ասում եմ, որ մենք միասին անպայման հասնելու ենք հաղթանակի, դա պետք է հենց ուղիղ էլ հասկանալ: Միասին ենք մենք բոլորս, ես, դու, Ֆրանսիայի հրապարակում գտնվող ցանկացած անհատ, հայտնի մարդ, կազմակերպություն կամ կուսակցություն:

Սա իմ համոզմունքն է եղել ու մնալու: Մեզանից յուրաքանչյուրս՝ «Հայրենիքը», Դաշնակցությունը, Հանրապետականը, Դիմադրություն շարժումը, Արսեն Գրիգորյանն ու այն երիտասարդ գեղեցկադեմ ուսանողուհին, որ ներկայացված ենք հարթակում, միասնություն ենք կազմել մեր սկսած ապակենտրոն պայքարի արդյունքում: Մենք, միասին, պարտավոր ենք և պետք է հասնենք հաջողության:

Այո, քաղաքականության մեջ ու պետության զարգացման առանձին գործընթացների շուրջ յուրաքանչյուրս կարող ենք ունենալ մեր առանձին դիրքորոշումը, բայց մի հարցում մենք պարտավոր ենք լինել միասնական և պարտավոր ենք հասնել այդ նպատակին:

Նպատակն այդ հայտնի է՝ ապահովել մեր մեծ հայրենիքի պահպանումն ու հարատևությունը: Դրան հասնելու առաջին քայլը այս իշխանության հեռացումն է, որի շուրջ էլ ունենք մեծ միասնությունը:
Յուրաքանչյուրը, ով կնպաստի այս նպատակին հասնելուն՝ իմ բարեկամն է:

Ես հավատում եմ իմ ուժերին, ես հավատում եմ մեր թիմին ու նրա ղեկավարին: Ես հավատում եմ բոլորիս միասնությանն ու մեր հաղթանակին:

Կեցցենք մենք, որ անպայման հաջողելու ենք»։