Արցախը «Դիմադրություն» շարժման կողքին է․ Ասկերանի նախկին քաղաքապետ

Քաղաքական 20:34 09/05/2022 Հայաստան

«Արցախը կա, Արցախը կանգուն է , պայքարում է չի կոտրվել ու չի կոտրվելու»,- Ֆրանսիայի հրապարակում հանրահավաքի ընթացքում հայտարարեց Արցախյան ազատագրական շարժման առաջամարտիկ, Արցախի խորհրդարանի 3 գումարման պատգամավոր, Ասկերանի նախկին քաղաքապետ Ալյոշա Գաբրիելյանը։

Նա նշեց, որ շատ է շփվում Արցախի ժողովրդի հետ և արցախահայության անունից երաշխավորված է հայտարարելու՝ Արցախը «Դիմադրություն» շարժման կողքին է։

«Արցախահայությունն իր ապագան կապում է միմիայն իշխանափոխոխության հետ»,- շեշտեց Գաբրիելյանն ու անդրադարձավ այն հարցին,թե ինչո՞ւ Արցախը ոտքի չի կանգնում և հանրահավաքներ չի անցկացնում։

«Արցախի ժողովուրդն անչափ համբերատար է և նա վտահում է իր ներկացրած մարմիններին հատկապես ԱԺ-ին, որը ապրիլի 14-ին հայտնի հայտարարությամբ հնչեցրել է, որ Արցախը երբևէ Ադրբեջանի կազմում չի լինելու։ Մենք ունենք մի կարմիր գիծ և այն հատողներն արժանանալու են ոչ միայն հայ ժողովրդի դավաճան կոչմանը, այլև հատուցելու են»,- հայտարարեց արցախցին։

Ասկերանի նախկին քաղաքապետ Ալյոշա Գաբրիելյանը նաև գուշացրեց Արցախում և Հայաստանում գտնվող բոլոր նրանց, որոնք իշխանության տարբեր թևերում են և «ջայլամի» քաղաքականություն են վարում` անտարբերությունը չի ներվում։

«Կա մի ճշմարտություն՝ Արցախի փրկությունը և այս դավաճաններին իշխանությունից հեռացնելը»։

Նա գնահատմամբ՝ հանրությունը պառակտվել է մի քանի մասին, մի մասը Ֆրանսիայի հրապարակում է, մյուս մասը վերցրել է իշխանությունը և Հայաստանը կանգնեցրել է անդունդի եզրին ՝ թրքացնելով Հայաստանը

Նրա խոսքով ՝ առանց Արցախի չկա Հայաստան, առանց Հայաստան չկա Արցախ։

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: