Ձեր վստահելի աղբյուրը

Մարդիկ դուրս չեն եկել փողոց որևէ առաջնորդի համար, նրանք դուրս են եկել համազգային և համաժողովրդական պայքարի։ Այս մասի անհնազանդության երթի ժամանակ լրագրողներին ասաց Ազգային ժողովի փոխնախագահ Իշխան Սաղաթելյանը։

Նրա խոսքով՝ իշխանությունների հեռացումից հետ ձևավորվելու է ազգային համաձայնության կառավարություն, որի չի լինելու մեկ անձի, մեկ կուսակցության կառավարություն։

«Այդ կառավարությանը մաս են կազմելու բոլոր կարող ուժերը։ Մենք ունենք նաև հսկայական կադրային բանկ և այդ մարդիկ հաջորդ կառավարությունում ունենալու են ոչ թե ուսապարկի կարգավիճակ, այլ օգտվելու ենք իրենց մասնագիտական գիտելիքներից, փորձից՝ ստեղծված իրավիճակից երկիրը դուրս բերելու համար»,- նշեց նա։

Ըստ Իշխան Սաղաթելյանի՝ այսօր մարդկանց հետաքրքրում է, թե ինչպես րոպե առաջ հեռացնեն այս իշխանություններին և հստակ քայլերով մոտնում են դրան։

Բացի այդ, նա հայտնեց, որ հաջորդ իշխանությունը չի ձևավորվելու կուսակցական քվոտաների հիման վրա։ «Այնպես, ինչպես անում է ՔՊ-ն՝ պոլի փետ լինի, բայց մերոնցից լինի։ Մենք համախմբելու ենք հայ ժողովրդի կարող ուժերին, քանի որ իրավիճակն իսկապես բարդ է, պետք է կարողանանք երկիրը դուրս բերել ստեղծված իրավիճակից»,-ընդգծեց նա։

Նշենք, որ երթի ընթացքում բազմաթիվ մեքենաներ ազդանշաններ արձակելով ողջունում էին պայքարի դուրս եկածներին։ Իշխան Սաղաթելյանը նկատեց. «Սիգնալ տալով բերել ենք, սիգնալ տալով էլ ճանապարհելու ենք»։