Ձեր վստահելի աղբյուրը

«Ակնհայտ է, որ այսօր ՀՀ-ում քաղաքական ճգնաժամ է և առհասարակ նաև ճգնաժամ է տնտեսական և սոցիալական առումով»,-«Այլընտրանքային նախագծերի խմբի» կազմակերպած «Հայկական օրակարգ. իրավիճակ և հանգուցալուծում» թեմայով պանելային քննարկման ժամանակ հայտնեց ԱԺ նախկին պատգամավոր ԲՀԿ անդամ Արման Աբովյանը:  

Նրա խոսքով՝ այսօրվա քաղաքական ճգնաժամը սկսվել է վաղուց և ներկայիս «Դիմադրության» շարժումն ընդգծել է այն, ինչի մասին խոսում է այսօր ԱԺ-ում ընդդիմադիր ֆրակցիաների ներկայացված չլինելը:

«Ներկայացված չեն մի պարզ պատճառով, քանի որ ընտրել են քաղաքական պայքարի մեկ այլ ձևաչափ, բայց փաստը մնում է փաստ, որ եթե երկրի խորհրդարնում ֆիզիկապես ներկայացված չէ ընդդիմությունը, ապա այն նվազագույնը գտնվում է շատ տարօրինակ և տարակուսելի իրավիճակում և այն քաղաքական ճգնաժամի առաջաին ցուցիչն է»,-ասաց նախկին պատգամավորը::

Նրա խոսքով՝ ճգնաժամն ավելի է խորանում  է, որը պեքտ է հանգուցալուծվի, այն չի կարող մարել այն պատճառով, որ ճգնաժամի հիմքում ընկած է գոյաբանական խնդիրը:

Արման Աբովյանը ներկայացրեց  զարգացած երկրներում նման քաղաքական ճգնաժամերի ժամանակ կիրառվող լուծման մեթոդաբանությունը և փորձը:

«Հարթակ են գալիս վստահություն վայելով քաղաքական գործիչներ կամ ուժեր, որոնք պետք է ընդունելի լինեն թե՛ երկու կողմերի, թե՛ հասարակության լայն շերտերի կողմից»,-հայտնեց Աբովյանը և բացատրեց, որ նրա խնդիրը հակամարտող կողմերի միջև ընդհանուր եզրեր գտնելն ու ընդհանուր սեղանի շուրջ նստեցնելն է:

Ըստ նրա՝  նման իրավիճակում կողմերը խուսափում են իրավիճակի լարումից, որը կարող է հանգեցնել  բախումների, այդ առումով բանախոսը կարևորեց կարմիր գծերի գաղափարը:

«Այդ ամենից հետո գծվում է ճանապարհային քարտեզ՝ երկիրը ստեղծված իրավիճակից դուրս բերելու համար, որն ըստ գործընթացնրերի տրամաբանությունի, կարող է լինել նոր ԱԺ ընտրությունները կամ կառավարության ձևավորումը»,-հայտնեց բանախոս և հավելեց. «Պետք է լինենք ազնիվ և տեսնենք, որ այսօր պատային իրավիճակ է, երբ քո բոլոր գործողությունները բերելու են իրավիճակների, որոնց դեպքում բոլոր կողմերի համար փակուղի է լինելու»:

Ըստ Արման Աբովյանի՝ եթե ինքը այս պահին միջնորդի անուն տա, ապա շատ արագ վերջինիս առաքելությունը կավարտվի և չի լինի միջնորդ, իսկ նա հարց լուծող չէ, այլ բոլորի կողմից ընդունված անձ կամ ուժ է:

Նախկին պատգամավորը հայտնեց, որ իրավիճակը չհանգուցալուծելու դեպքում կլինեն շատ վատ արտաքին զարգացումներ, սակայն արտաքին անբարենպաստ իրավիճակները չպետք է կապել ընդդիմության հետ:

«Հավատցնում եմ, որ եթե թուրքը որոշի վրա տալ, ապա ոչ ընդդիմությանը կնայի ոչ իշխանությանը»,-հայտնեց Աբովյանը և խորհուրդ տվեց չենթարկվել նման մանիպուլյացիաներին, թե ընդդիմության հանրահավաքների պատճառով Ադրբեջանը կարող է հարձակվել Հայաստանի վրա:

Նրա խոսքով՝ Հայաստանի վրա անդրադառնում են ոչ միայն ուկրաինական զարգացումները, այլև Իրան-ԱՄՆ, Ադրբեջան-ՌԴ գործընթացնրեը և 1946 թվականից հետո աշխարհաքաղաքական սահմանների վերաձևումը:

«Մենք խնդիր ուեննք ներկայացնելու իրականությունը հասկանալի բառերով, որը հետևյալն է՝  բոլոր գործընթացները, որոնք «խաղաղության դարաշրջան» գեղեցիկ բառերի ներքո մատուցվում են իրենք նշանակում են միայն մեկ բան ՀՀ-ի մասնատում, այլ կերպ հնարվոր չէ գնահատել այն գործընթացները, որոնք վերաբերում են մեր սուվերեն տարածքին, որոնց մասին, ցավոք, լսում ենք թշնամի պետություններից»,-ասաց Արման Աբովյանը՝ անդրադառնալով ադրբեջանցի պաշտոնյայի այն հայտարարությանը, թե անկլավների հարցը լուծված է: