Ձեր վստահելի աղբյուրը

«Հայ Ձմեռ պապ» լրագրողական բարեգործական հիմնադրամը և Հայաստանի ֆիզիկական կուլտուրայի և սպորտի պետական ինստիտուտը (ՀՖԿՍՊԻ) հայտարարում են երախտիքի և հարգանքի «ՈՍԿԻ ՍԵՐՄԵՐ» կրթամրցանակի մեկնարկը։ Այն նվիրված է Արցախյան 44-օրյա պատերազմի հերոս, ինստիտուտի շրջանա-վարտ Սևակ Մնացականյանի լուսավոր հիշատակին։ 

«Հայ Ձմեռ պապ» լրագրողական բարեգործական հիմնադրամը ներկայացրել է  չափորոշիչները. մրցանակը նախատեսում է յուրաքանչյուր կիսամյակ 200000 (երկու հարյուր հազար) դրամի չափով աջակցություն տրամադրել ՀՖԿՍՊԻ այն ուսանողին/մագիստրոսին/ասպիրանտին (սկսած բակալավրիատի 2-րդ կուրսի 2-րդ կիսամյակից), որի տվյալները կհամապատասխանեն հետևյալ չափորոշիչներին (բոլորին կամ գերակշիռ մասին)․
• առաջադիմություն,
• գիտական ակտիվություն,
• մարզական հաջողություններ,
• Սևակի հայրենատիրության ճանաչում, համախոհություն,
• քաղաքացիական հանձնառություն /կամավորական աշխատանք, հասարակական ակտիվություն/,
• այլ։

Մրցույթին մասնակցելու կարգը
Մինչև 2022 թ․ ապրիլի 30–ը [email protected] էլ․ հասցեով ուղարկել հավակնորդի
• CV-ն,
• մոտիվացիոն նամակը,
• մասնագիտական հաջողությունները վկայող նյութերը։

Կրթամրցանակակրի ընտրության պատշաճ ընթացքը կկազմակերպի ժյուրին, որը բաղկացած է ինստիտուտի դասախոսական կազմի, փորձագետների, Սևակի ընտանիքի, բարերարների և «Հայ Ձմեռ պապ» հիմնադրամի ներկայացուցիչներից:

Կրթամրցանակի հովանավորը ամերիկահայ բարերար Իրեն Ծատուրյանն է։
 
«Մեզ թաղեցին, բայց չգիտեին, որ մենք սերմեր ենք»։