Ձեր վստահելի աղբյուրը

«Չգիտես՝ ում կողմից կատարված, չգիտես՝ ինչպես համացանցում հայտնված ձայնագրությունն ուղեկցվում էր քաղաքացի Էմմա Սարգսյանի լուսանկարով։ Հիշեցնեմ, որ այդ ձայնագրության հիման վրա ժամեր առաջ ձերբակալվել է հանրային գործիչ Ավետիք Չալաբյանը։
Հաշվի առնելով Քննչական կոմիտեի պաշտոնական հաղորդագրությունում նշված ձայնագրության վկայակոչումը՝ քաղաքացի Էմմա Սարգսյանի հետ ինքնակամ ներկայացել ենք ՔԿ Երևանի վարչություն»,- երեկ երեկոյան գրել էր իրավապաշտպան Ռուբեն Մելիքյանը։

Այնուհետև տեղեկացրել էր, որ միայնակ մայր Էմմա Սարգսյանը  ձերբակալվել է, իսկ անչափահաս դուստրը մնացել է մեն-մենակ…

Ռուբեն Մելիքյանը ուղիղ եթերով հայտնեց, որ Էմմա Սարսգսյանի ձերբակալման դեմ բողոք է ներկայացրել։ Նա պատմեց նաև, որ զանգ է ստացել Էմմայի 14-ամյա աղջկանից, ով այժմ ազգականների մոտ է։

«Առավոտյան զանգահարում է  հուզված, լացող երեխա ու հարցնում է մայրիկից։ Ինձ է զանգահարել, քանի որ դուրս գալուց Էմման իմ հեռախոսհամարն էր թողել»,- ասաց իրավապաշտպանը։

Նա նշեց, որ այս գործի մասին ինքը որևէ բան չի ասի, ուղղակի խնդրեց բոլորին բացել ու լսել այն ձայնագրությունը,  որը մի քանի օր առաջ  իշխանական մամուլում հայտնվեց. «Լսեք և տեսեք, թե ով է սադրում, ով է ինչ ուզում, ով ինչ դատողություններ է անում, ով է առաջինը խոսում փողի մասին։ Լսեք ու ձեր հետևությունները կանեք, թե ինչերի են ունակ այս քաղաքական իշխանությունները մարդկանց շեղելու լրջագույն հանցագործություններից»։

Տեղեկատվական անվտանգության փորձագետ, ռազմական փորձագետ Կարեն Վրթանեսյանը, անդրադառնալով Էմմա Սարգսյանի ձերբակալության փաստին, գրում է.

«Ուշադրություն դարձրեք գիշերը ձերբակալված երիտասարդ կնոջ խնդրին. իր անչափահաս երեխային մենակ են թողել, մորը ձերբակալել լրիվ անկապ ձայնագրության հիման վրա, որն արել է իշխանական սադրիչը ու որում ինքն է անընդհատ փողով ցույցի թեմա բացում ու որևէ հստակ բան չկա ձայնագրությունում, որ իր զրուցակիցները համաձայնվել են փող տալ։

Հիշո՞ւմ եք, մի դեպք կար, երբ ինչ-որ կնոջ՝ էլի անչափահաս երեխա ունեցող, 4-րդ անգամ գողություն անելուց հետո ձերբակալել էին, ինչ մեծ աղմուկ էր բարձրացել։ Ասում էին. «Մայր է, ծայրահեղ աղքատության մեջ է, ստիպված է գողության գնացել, ինչպես կարելի է ձերբակալել»։

Հիմա այս դեպքում, երբ կինը ինքնակամ ներկայացել է ոստիկանություն (ոստիկանությունից նրան նույնիսկ չէին կանչել) ու նրան ձերբակալել են (թեպետ դրա համար որևէ հիմք չկա), նախկինում առիթ-անառիթ վայրկենապես միացող «կանանց իրավունքների պաշտպաններն» ո՞ւր են»։ 

Ֆեյսբուքյան օգտատեր Նարինե Արզումանյանը կիսվել է Կարեն Վրթանեսյանի գրառմամբ ու ավելացրել.

«կհիշե՞ք naxkinneri vaxtva ֆեմինիստներին, որ գետիններին էին պառկում, ղժում-ճղվում և այլն, իբր ոչ բռնությանը-բան։

մի ամիս անցավ համարյա Սոնա Մնացականյանի ու իր չծնված երեխայի սպանությունից։
երեկ գիշերվանից էլ միայնակ մոր են ձերբակալել առանց լուրջ պատճառների։
Անչափահաս երեխա ունի, կրկնում եմ, ու միայնակ մայր ա»։

«Հայրենիքի դարպասներ»-ի հիմնադիր նախագահ Արման Հայրապետյանը գրել է. 

«Երեսպաշտների ձայնը չի լսվում»։

Ֆեյսբուքյան օգտատեր Սրբուհի Առաքելյանը գրել է.

«Սերնդասպան վիժվածքը շարունակում է իր գործը։ Հղի կնոջը սպանողին բաց են թողնում, բայց ինչ-որ կասկածելի մեղադրանքով ձերբակալում են միայնակ մորը, որի անչափահաս դուստրը մնաց մենակ․․․

Սրիկան չի բավարարվել 5000 տղաների կյանք խլելով ու 10 հազարի ճակատագիր խեղելով, նա շարունակում է ոճրագործությունները։ Եվ կշարունակի այնքան, մինչև մենք դա հանդուրժենք։

#stop_նիկոլ»։ 

Ավետիք Չալաբյանի կինը՝ Անահիտ Ադամյանը գրում է․ 

«Երեկ ու այսօր շատերդ երևի տեսել եք Ավետիքի բերման ենթարկելու խայտառակ կադրերը: Մի գուցե նաև լսել եք ակնհայտ մոնտաժված ձայնագրությունը, որը փորձում են որպես հիմք օգտագործել այս ակնհայտ քաղաքական գործը կյանքի բերելու համար:

Այս իշխանությունը վախենում է անկախ, կայացած, հայրենիքը ու հային սիրող մարդկանցից: Վախենում է հայ մարդուց, որը չի պատկերացնում իր կյանքը առանց Հայաստանի, իսկ Հայաստանը առանց հզոր բանակի և պետության:

Եթե ուշադրություն դարձնեք, Ավետիքին անձամբ ճանաչող և իր հետ աշխատած ցանկացած մարդ անվերապահ հավատում և աջակցում է իրեն ու պատրաստ է իր կողքին կանգնել: Շատերը այդ մասին այսօր հանրային հայտնել են:

Ինձ երեկվանից զանգում ու գրում են հարյուրավոր մարդիկ, մենք անչափ շնորհակալ ենք բոլորիցդ մեր ընտանիքի կողքին լինելու համար : 

Շատերդ հարցնում եք, թե ինչպես օգնել, ասեմ, այս պահին լավագույն օգնությունը Ավետիքին հանրային աջակցելն է:

Կանխավ շնորհակալ ենք»։