Հղի կնոջը վրաերթի ենթարկած ոստիկանը չի կալանավորվելու
Երևան քաղաքի ընդհանուր իրավասության դատարանը մերժել է Նիկոլ Փաշինյանին ուղեկցող ավտոշարասյան վարորդ Արամ Նավասարդյանին կալանավորելու վերաբերյալ միջնորդությունը։ Ուղեկցող ՃՈ ավտոմեքենայի վարորդը կշարունակի մնալ ազատության մեջ:
Տուժողի իրավահաջորդ Մնացական Մնացականյանի օրինական շահերի պաշտպան Րաֆֆի Ասլանյանը Panorama.am-ի հետ զրույցում ասաց, որ իրենք այս պահին պաշտոնական որևէ տեղեկատվություն չունեն, իմացել են ԶԼՄ-ներից։
Նա դժվարացավ ասել, թե ինչի հիման վրա է դատարանը կալանքի միջնորդությունը մերժել. «Այնուամենայնիվ, ի սկզբանե անձին չկալանավորելը, ի սկզբանե փախուստի համար մեղադրանք չառաջադրելը, 15 օր հետո կատարված գործողությունները հավանաբար նպաստել են նրան, որ դատարանը հենց այդպիսի հիմքով էլ կարող է ազատ արձակած լինել։ Ես ինքս բովանդակության մասին որևէ տեղեկություն չունեմ»։
Րաֆֆի Ասլանյանը ևս մեկ անգամ վերահաստատեց, որ տուժող կողմը հետևողական է լինելու քրեական գործին, որպեսզի մինչև վերջ ընթացք ստանա։
Հիշեցնենք, որ ապրիլի 26-ին ժամը 18:20-ի սահմաններում, մահվան ելքով ավտովթար է տեղի ունեցել Երևանի Լեո-Պարոնյան փողոցների խաչմերուկի մոտ, որի հետևանքով 28-ամյա հղի կին է մահացել: Կինը վրաերթի է ենթարկվել Փաշինյանին ուղեկցող ՃՈ ծառայությանն ուղեկցող սպայական վաշտի ավտոմեքենայով։ Քննչական կոմիտեն հայտնել էր, որ վրաերթի ենթարկողը եղել է վաշտի հրամանատարը: Նա ձերբակալվել էր: 2022թ. ապրիլի 29-ին վարույթն իրականացնող մարմնի կողմից որոշում էր կայացվել Ա. Նավասարդյանի նկատմամբ ՀՀ քրեական օրենսգրքի 244-րդ հոդվածի 1-ին մասով քրեական հետապնդում չիրականացնելու մասին՝ նրա արարքում հանցակազմի բացակայության հիմքով, ինչպես նաև նրան մեղադրանք էր առաջադվել ՀՀ քրեական օրենսգրքի 242-րդ հոդվածի 2-ին մասով:
Նույն օրը կայացրած որոշմամբ Ա.Նավասարդյանն ազատվել էր արգելանքից, նրա նկատմամբ որպես խափանման միջոց էր ընտրվել ստորագրություն չհեռանալու մասին: 2022թ. մայիսի 2-ին քրեական գործի նկատմամբ հսկողություն իրականցնող դատախազը որոշում էր կայացրել Ա. Նավասարդյանի նկատմամբ ՀՀ քրեական օրենսգրքի 244-րդ հոդվածի 1-ին մասով քրեական հետապնդում չիրականացնելու մասին և վերջինիս նկատմամբ որպես խափանման միջոց ընտրված ստորագրություն չհեռանալու մասին որոշումները վերացնելու մասին:
Նախօրեին վարույթն իրականացնող քննիչը որոշում էր կայացրել ուղեկցող ՃՈ ավտոմեքենայի վարորդին ՀՀ քրեական օրենսգրքի 242-րդ հոդվածի 2-րդ մասով (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ) և 244-րդ հոդվածով (ճանապարհատրանսպորտային պատահարի վայրը թողնելը) որպես մեղադրյալ ներգրավելու մասին, վարորդը դարձյալ ձերբակալվել էր, նրա նկատմամբ կալանավորումը որպես խափանման միջոց կիրառելու մասին միջնորդություն էր ներկայացվել դատարան։
Հարակից հրապարակումներ`
- Սոնա Մնացականյանին վրաերթի ենթարկած ոստիկանին կալանավորելու միջնորդություն է ներկայացվել դատարան.Րաֆֆի Ասլանյան
- «Ժողովուրդ». Հղի կնոջ վրաերթի պահով քննչական կոմիտեն և Գլխավոր դատախազությունը լուրջ վեճ են ունեցել
- Դատախազությունը պահանջում է քննել Սոնա Մնացականյանին վրաերթի ենթարկելուց հետո դեպքի վայրը լքելու դրվագը
- Գեղամ Նազարյան. Հղի կնոջը դաժանաբար սպանած, կանգ չառած վարորդին ընդամենը ժամեր անց ազատություն են շնորհում
- Ահա թե ով էր Սոնան. Փաշինյանի շարասյան կողմից վրաերթի հետևանքով մահացած կնոջ ամուսնու նոր գրառումը
- Աշոտ Վարդանյան. Սոնա, իմ Սոնա. Նա աշխարհի ամենագեղեցիկ ժպիտն ուներ
- Վհուկները հայելի են գտել
- Տարածվել են Լեո-Պարոնյան խաչմերուկում տեղի ունեցած վրաերթի կադրերը
- Սոնան միշտ կմնա մեր սրտերում՝ որպես բացառիկ հայրենասեր. «Աջակցենք մեր հերոսներին».
- Մեր գյուղի հպարտությունն էր Սոնան. Ո՞վ է Փաշինյանի շարասյան մեքենայի կողմից վրաերթի հետևանքով մահացած կինը
- Լեո-Պարոնյան խաչմերուկի մոտ մարդիկ մոմ ու փափուկ խաղալիք են դնում մահացած մայրիկի ու չծնված փոքրիկի համար
- Լեո-Պարոնյան խաչմերուկում կնոջը վրաերթի ենթարկելու համար ՃՈ սպայական վաշտի հրամանատարը ձերբակալվել է
- Ոչ ոք չի իջել մեքենայից, քշել գնացել են․ ականատեսը ՝ հղի կնոջ վրաերթի մասին
- Արյունարբուն հիմա էլ՝ հանուն իրա տուն հասնելու հղի կնոջը գցեցին մեքենայի տակ ու սպանեցին․ Սամսոնյան
- Շտապօգնության տնօրենը հաստատում է. Լեո-Պարոնյան խաչմերուկից քաղաքացի են տեղափոխել հիվանդանոց
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
