Ձեր վստահելի աղբյուրը

Իրավագիտության դոկտոր Արթու Ղամբարյանը գրում է.

«Դեռևս 2019թ․ նախաձեռնել եմ ռազմավարական դատավարություն, որի նպատակն էր հիմնավորելու, որ "Փաստաբան և Փաստաբանների պալատ" իշխանական բնույթի հարաբերությունները հանրային են և այդ բնույթի վեճերը պետք է քննվեն ՀՀ վարչական դատարանի կողմից։

13․05․2022թ․ ՀՀ վճռաբեկ դատարանը վերջնական տվեց այս իրավական հարցի պատասխանը և թիվ ԵԴ/38635/02/19 քաղաքացիական գործով նշեց, որ կարգապահական պատասխանատվության ենթարկելու մասին Պալատի խորհրդի որոշման ընդունմամբ փաստաբանի և Պալատի միջև ծագել է վարչական իրավահարաբերություն, որի կապակցությամբ կողմերի միջև ծագած վեճը ՀՀ վարչ․ դատ․ օրիի 10-րդ հոդվածի 1-ին մասի ուժով ընդդատյա է ՀՀ վարչական դատարանին։

Չհամընկնող հատուկ կարծիք են ներկայացրել 4 դատավոր։

Բոլոր դեպքերում իրավունքը զարգացավ, իսկ իմացությունը հաղթեց չիմացությանը։

Պատրաստվում ենք ՀՀ սահմանադրական դատարանում բարձրացնել Վարչական դատարանի կողմից հայցը վերահասցեագրելու մասին որոշումը բողոքարկելու անհնարինության սահմանադրականությունը»։