Ձեր վստահելի աղբյուրը

«Կառավարությունը, որը ձախողել է երկրի պաշտպանությունը, արտաքին հարաբերությունները, չի կարող հաջողել տնտեսական քաղաքականության մեջ»,-Ֆրանսիայի հրապարակում ունեցած ելույթի ժամանակ հայտնեց «Հայաստան» խմբակցության պատգամավոր Արթուր Խաչատրյանը և հավելեց. «Որպեսզի հասկանանք, թե ինչ վիճակում է մեր տնտեսությունը, բավարար է մտնել որևէ տնտեսական խանութ, նայել ապրանքների գներին և ժողովրդի գնումներին»:

Հայտնելով, որ Հայաստանում գներն ահռելի աճ են արձանագրել՝ Արթուր Խաչատրյանը թվարկեց ձեթի, կարագաի, կաթի և այլ սննդամթերքների գները, որոնք աճել են 20-60 %-ով:

«Այս սարսափլի գնաճի պայմաններում մարդիկ իրենց համեստ եկամուտներով գնում են միայն այն, ինչ վաճառվում է ակցիայով, կամ այն, առանց ինչի ուղղակի հնարավոր չէ ապրել»,-հայտնեց Խաչատրյանը և նկատեց. «Որքան էլ կառավարությունն անհասկանալի մանիպուլյացիաներով փորձի ասել, թե Շվեյցարիայից մի քիչ ենք վատ ապրում՝ մարդկանց կենսամակարդակի անկումը լրիվ այլ բան է փաստում, բայց քանի որ այս կառավարությունը երկնքից ընկած թվեր է մեր աչքը մտցնում, ապա թույլ տվեք ես էլ թվերով ներկայացնեմ Նիկոլի տնտեսական հրաշքը: Բայց մինչ այդ դիմում եմ ֆինանսների նախարարին: Պարո՛ն նախարար, գոնե մի քիչ մասնագիտական պարկեշտություն ունեցեք, երբ ասում եք 2021թ.-ին արձանագրած 5.7 % տնտեսական աճն ավելին էր քան տարվա սկզբին նախատեսած 3.5 %-ը, ապա ինչու չեք ասում, որ տարվա կեսին վերանայել էիք ձեր կանխատեսումը՝ դարձնելով 6.5 %: Ցանկացած կատարողական հաշվարկվում է վերանայված պլանի նկատմամբ: Դուք չգիտե՞ք այն: Շատ լավ գիտեք, բայց թաքցնում եք և ցույց չեք տալիս, որ կառավարությունը չի ապահովել իր առաջ դրած պլանային ցուցանիշը: Նաև չեք ասում, որ 2021թ. Հայաստանի տնտեսական աճն ավելի ցածր էր, քան համաշխարհային և համադրելի երկրների  տնտեսական աճի միջինը: Չեք ասում, որ 2021 թվականի այդ հրաշք աճով մենք չենք եկել նունիսկ 2019 թվականի տնտեսական մակարդակին»:

Նրա խոսքով՝ ՀՀ-ի ՀՆԱ-ի 53 %-ն առևտուրն ու ծառայություններն են և բացատրեց, որ գների թանկացման արդյունքում մարդիկ ավելի շատ փող են վճարում ապրանքների համար և ստացվում է, որ տնտեսությունն աճում է:

«Ծառայութունների ամենամեծ մասը շահումով խաղերն են, ժողովրդի լեզվով ասած՝ ղումարը: Ժողովուկդը դարձել է ղումրաբազ, այս հեղափոխական իշխանությունների օրոք մարդկանց խոստացել էին երջանկություն, բայց նստացրել են ղումարի ասեղին: Իրենց իսկ գնահատականներով՝ ղումարի ծավալը 4 տրիլիոն դրամի կարգի է, համարյա կրկնակի ավել, քան թե բյուջեի եկամտային մասը: Ղումարբազությունը նոր Հայաստանի այցեքարտը դարձրեցիք »,-հայտնեց պատգամավորը և  նկատեց, որ մետրոյում, ինտերնետում, ամենուր խաղերի գովազդներ են և շեշտեց, որ երջանիկ մարդը ղումար չի խաղում, իշխանությունները նրանց դժբախտացրել են:

Ընդդիմադիր պատգամավորը հայտարարեց, որ այս իշխանությունների վարած տնտեսական քաղաքականության արդյունքում տասնյակ հազարավոր քաղաքացիներ, որոնք քրտինքով հաց էին վաստակում, հիմա խաղադրույքային խաղերով են զբաղված:

Նա ասաց, որ ՀՀ արդյունաբերության ոլորտը էներգետիկայի հետ միասին ՀՆԱ-ի 20% է կազմում, իսկ բուն արդյունաբերությունը կազմում է 11.3%-ը, որտեղ աճը կազմել է ընդամենը 3.3%:

«Կառավարությունը չէր ուզում, որ Հայաստանը լինի ագրարային երկիր և դրա համար նպատակամղված սկսեցին քանդել գյուղատնտեսությունը, որը շարունակական անկման մեջ է: 2020թ-ին 2021թ-ի համեմատ գյուղատնտեսությունը կրճատվել է 1.5 %-ով, իսկ 2022 թ առաջին եռամսյակում 2021 թվականի նույն ժամանակահատվածի համեմատ կրճատումը կազմեց 5.4 %: Բուսաբուծությունը՝ հացահատիկի, կարտոֆիլի, լոլիկի, բանջարեղենի արտադրությունը նվազեց համարյա 25 %-ով: Մարդիկ գարնանացանը չեն սուբսիդավորում, քանի որ, կառավարության ներկայացուցիչների խոսքերով, գարնանացանի արդյունավետությունը ցածր է: Փոխանակ մտածեն, թե ինչպես բարձրացնեն արդյունավետությունը, ընդհանարպես որոշեցին գարնանացանի վրա խաչ քաշել: Հիմա կասեք՝ բա էս երկում ղումարից բացի ուրիշ բան չի՞ աճում: Աճում է՝ պետական պարտքը: Այն շուտով կհատի 5 մլրդ դոլարի շեմը, երկիրը թաղվել է պարտքի մեջ: Նոր ներգրավված վարքերը թիրախային չեն, այլ բյուջետային աջակցության վարկեր են: Բա ասում եք՝ բյուջեն լավ վիճակում է, եթե լավ վիճակում է, ինչու եք բյուջետային աջակցության վարկեր վերցնում: Բյուջեում փող չկա, դրա համար էլ պարտք են անում: Հերիք չէ բոլորիս թաղում են պարտքի մեջ, մի հատ էլ հպարտանում են դրանով»,-ասաց Արթուր Խաչատրյանը:

Ըստ ընդդիմադիր պատգամավորի՝ պետությունը պասիվ կարգավորողից պետք է վերածվի ակտիվ խթանողի՝ անհրաժեշտության դեպքում ստեղծելով պետական ձեռնարկություններ և հայտարարեց, որ սուտ են այն պնդումները, թե պետությունն ավելի վատ կառավարիչ է, քան մասնավորները:

«Պետությունը պետք է խրախուսի տեղական արտադրողին: Ժողովո՛ւրդ, 450 դրամանոց դոլարով և 9.25 % բազային տոկոսադրույքով տնտեսությունը չի աճելու: Բացի այդ ոչ ոք մեզ չի արգելում պետական գնումներում հայկական ընկերությունների արտոնություն տալ»,-ասաց պատգամավորը:

Հայտարարելով, որ պետական գյուղատնտեսական քաղաքականությունը երեք նպատակ պետք է հետապնդի՝ գյուղատնտեսությամբ զբաղվողների եկամտի աճ, պարենային անվտանգության ապահովում, տարածքային զարգացում և կենսակերպի պահպանում՝ Արթուր Խաչատրյանն ասաց. «Իսկ դրա համար պետք է ակտիվ գյուղատնտեսական քաղաքականություն վարել, այլ ոչ թե հազար անգամ կրկնելուց հետո մարդկանց թանկ սելիտրա ապահովել: Վաղը, որ լոլիկը դառնա 1000 դրամ, չզարմանաք, քանի որ այսօր դիզելային վառելիքը 650 դրամ արժի, վաղը աշխարհի ծայրից բերած անանասն ավելի հասանելի կլինի, քան լոլիկը:

Լուծումներ շատ կան, բայց դրանց անցնելու համար պետք է հիմնական խոչընդոտը վերածվի, պետք է հռանա այս ձախողված կառավարությունը, պետք է ունենաք առանց Նիկոլ Հայաստան, որ հետո կերտեք մեր ուժեղ հզոր հպարտ ու բարեկեցիկ Հայաստանը»: