Ձեր վստահելի աղբյուրը

«Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանն ասաց՝ որոշել էր Ֆրանսիայի հրապարակում բեմահարթակից խոսել Հայաստանի անվտանգության խնդիրների մասին։

«Բայց երբ նստեցի ելույթիս վրա աշխատելու, հասկացա, սխալ եմ ընտրել վերնագիրը։ Չենք կարող խոսել Հայաստանի անվտանգային համակարգի մասին, որովհետև, ցավոք սրտի, այս իշխանությունները քանդեցին այն, չունենք մենք այլևս անվտանգային համակարգ»,- նշեց Վանեցյանը։
ԱԱԾ նախկին տնօրենն ասաց՝ անվտանգությանը շատ լայն հասակացություն է, երբ այն կա, չենք զգում, բայց երբ անվտանգությունը մի փոքր խարխլվում է, սկսում ենք զգալ։

«Հիմա ունենք արտագաղթ։ Չունենք ներդումներ։ Ունենք տնտեսական անկում։ Ի՞նչն է պատճառը։ Չունենք անվտանգային կայուն համակարգ։ Սրանք միայն պարտվողական քաղաքականությունն են առաջ տանում։ Սրանք մեզ հոգեբանորեն ճնշում են։ Ասում են՝ եթե հանկարծ իրենք հեռանան, լինելու է պատերազմ։ Ժողովուրդ, սո՜ւտ են ասում, պատերազմն իրենք են, իրենք են բերել ու պատերազմից հիմա իրենք են սարսափած ու պատերազմով մեզ վախեցնելով՝ կառչած մնում իրենց աթոռներից»,-ասաց Վանեցյանը։

Նա նշեց՝ քանի որ եղանակը լավ չի, չի ցանկանում հանարահավաքի մասնակիցների համբերությունը չարաշահել, խոսքը կարճ կասի։

«Այս իշխանություններն արժանի չեն Հայաստանին և Արցախին, Հայաստանն ու Արցախն էլ արժանի չեն այս իշխանությանը։ Հայ ժողովուրդն արժանի չէ այս իշխանությանը։ Այս իշխանությունն առնետի պես կրծել է մեր անցյալը, ներկան, փորձում է կրծել մեր ապագան։ Մենք թույլ չենք տալու, որ նրանք մեր երկիրը տանեն կործանման։ Մենք միասին, մի բռունցք դարձած պայքարելու ենք միչև վերջ։ Մենք բոլորս օր առաջ այս իշխանություններին հեռացնելու ենք և ունենալու ենք առանց Նիկոլ Հակաստան»,-խոսքն ամփոփեց Վանեցյան ու վանկարկեց՝ «առանց Նիկոլ Հայաստան», ինչին հետևեցին նույն բացականչությունները։