Ձեր վստահելի աղբյուրը

Քաղտեխնոլոգ Կարեն Քոչարյանը «Հայելի» մամուլի ակումբում անդրադարձավ ոստիկանության գործողություններին և զոհվածի ծնողին և ակտիվ քաղաքական-հասարակական գործիչների ձերբակալություններին:

Կարմիր բերետավորների արյունը պետք է ստուգեն այն երկրներում, որոնք փող էին տվել ոստիկանությունը ռեֆորմի ենթարկելու համար

«Եվրոպայի և Միացյալ Նահանգների հարկատուները տեղյա՞կ են, որ իրենց կառավարությունները փող են հատկացրել Հայաստանում ոստիկանությունը ռեֆորմի ենթարկելու համար և փոխանակ ռեֆորմներ անեն՝ ՀՀ ոստիկանությունը դարձրել են Գեստապո՝ բառիս ամենալայն իմաստով: Հայաստանում այլևս չկա ոստիկանություն, կա Գեստապո:

Բերման են ենթարկում մայթերով գործի գնացող քաղաքացիներին, խաղաղ ցույցի մասնակիցներին, պատգամավորներին: Ես խորհուրդ կտայի Հայաստանին փող տրամադրած պետություններից, կամ ԵՄ-ից պահանջել, որ գան և անալիզ անեն կարմիր բերետավորների արյունը, քանի որ նրանց հայացքներն, իմ տեսածով, ադեկվատ չեն: Ես համոզված եմ, որ այնտեղ ամեն ինչ չէ, որ նորմալ է, քանի որ, երբ երթի ժամանակ նայում ես կողքից քայլող ոստիկաններին՝ նրանց հայացքը նորմալ է, իսկ կարմիր բերետավորների հատվածին նայելիս, երբ նաև կասկածներ կան, որ նրանց մի մասն անգամ ոստիկան էլ չեն, այլ օլիգարխների ախրանայից են, պարզապես ոստիկանի համաձգեստ են հագցնում, տեսնում ես ոչ ադեկվատ դեմքեր: Այ նրանց պետք է անպայման ստուգել: Բայց կարմիր բերետավորների արյունը պետք է ստուգեն այն երկրներում, որոնք փող էին տվել ոստիկանությունը ռեֆորմի ենթարկելու համար»,-ասաց բանախոսը:

Մարդիկ ոչ թե Քրեական կամ այլ օրենսգրքերով են կալանավորվում կամ ձերբակալվում, այլ զուտ քաղբանտարկյալներ են

Անդրադառնալով պրոդյուսեր Արմեն Գրիգորյանի, զոհվածի հոր՝ Գարիկ Գալեյանի, Ավետիք Չալաբյանի ձերբակալություներին՝ Կարեն Քոչարյանն ասաց. «Ես ոչ մի խդիր չէի տեսնի այդ ձերբակալությունների մեջ, եթե նույն հոդվածով Արմեն Գրիգորյանից բացի ձերբակալեին այն մարդկանց, որոնց կադրերը պտտվում է համացանցում: Դրանց մեջ ասվում է, որ պետք է կոտորվի հայ ժողովուրդը, մեր ու մանուկ, ղարաբաղցիները միայն բայրաքթարներ պետք է կուլ տան: Այդ բոլոր կադրերը կան, եթե նրանց էլ ձերբակալեն այն նույն հոդվածով, ինչ Արմեն Գրիգորյանին, ապա ես ոչ մի խնդիր չէի տեսնի: Երբ Ալեն Սիմոնյանի մայրը վիրավորում է, թքում է, չգիտեմ ինչ ժեստեր է ցույց տալիս, այդ ամենը հանգիստ անցնում է, իսկ որ Ավետիք Չալաբյանն, իբր գումարներ է առաջարկում, որը ոչ մի տեղ ֆիքսված չկա, ձերբակալվում է, ապա հասկանում ես, որ այդ մարդիկ ոչ թե Քրեական կամ այլ օրենսգրքերով են կալանավորվում կամ ձերբակալվում, այլ զուտ քաղբանտարկյալներ են:

Կամ Գարիկ Գալեյանի ձերբակալությունը, որին տեղափոխել են արդեն «Աստղիկ» բժշկական կետրոն: Արդեն 44-օրյա պատերազմում  զոհվածների ծնողներին են  անարգում: Այսօր էլ հայտարարեցին, թե ծնողին անպատված ոստիկանին հեռացրել են: Սա կապիկություն է և ցույց է տալիս, որ այդ ամենը քաղաքական է, և նրա տակ ոչինչ չկա»:

Դու տնտեսությունը գնահատես միայն ՀԴՄ-ո՞վ, դա անգրագիտության ցուցանիշ է

Քաղտեխնոլոգը գնահատեց նաև իշխանությունների քայլերը:

«Այսօր իշխանություններն ունեն մեծ խնդիր, եթե չեն անում ինչ-որ բան, ապա այն դիտվում է որպես թուլության նշան: Նիկոլ Փաշինյանից լավ ոչ մեկը չգիտի, թե ինչ պետք է անել, որպեսզի մարդը դուրս գա փողոց: Եթե հիշում եք՝ 2018 թվականին, երբ փշալարերը գցած էր փողոցում, ոչ մեկը չէր ստիպել, որ Նիկոլը ձեռքը գցի դրան, հետո էլ այն փաթաթի: Նա լավ գիտի, որ նման իրավիճակում, նաև դուբինկա օգտագործելով կարող է էմոցիոնալ ֆոնը բարձրանա և մարդիկ շատանան: Բայց ինքը պետք է քայլ անի, քանի որ չանելը կդիտվի որպես թուլության նշան: Շախմատային նման իրավիճակ կա, երբ խաղացողը պարտավոր է քայլ անել, բայց ցանկացած քայլ ի վնաս իրեն է լինելու: Հիմա իշխանւթյունն այդ վիճակում է:

Իշխանությունները լուրջ հիմնահարցեր ունեն, թե՛ ներքաղաքական, թե՛ արտաքին քաղաքական դաշտում: Այս իշխանության նման թույլ իշխանություն երբևիցե չի եղել Հայաստանում և այնպես չէ, որ Նիկոլը այս 4 տարիների ընթացքում տիրապետել է իրավիճակին: Եթե տիրապետեր իր կադրային բանկն այս կարգի ողորմելի չէր լինի: Ինքը ոչ մի բանի չի տիրապետում, անգրագետ է, չգիտի որ, օրինակ, ՀԴՄ-ն էկոնոմիկայի խթանիչ չէ: Դու տնտեսությունը գնահատես միայն ՀԴՄ-ո՞վ, դա անգրագիտության ցուցանիշ է: Կամ մտածել, որ մշակույթը Թաթան է, այն նույնպես անգրագիտության ցուցանիշ է»,-հայտարարեց Քոչարյանը:

Կան այնտեղ մի քանի կամիկաձեներ, որոնք իրենց վրա են վերցրել ոստիկաններին շնորհակալություն հայտնելու գործառույթը

ԱԺ ՔՊ պատգամավորների գործողությունները գնահատելիս՝ քաղտեխնոլոգն ասաց. «ՔՊ ականների  մեծ մասն այսօր ծպտուն չեն հանում ոստիկանների գործունեության վերաբերյալ, նրանք փորձում են կարմիր գծերը չանցնել: Կան այնտեղ մի քանի կամիկաձեներ, որոնք իրենց վրա են վերցրել ոստիկաններին շնորհակալություն հայտնելու գործառույթը, բայց նրանց վրա կամ կոմպրոմատներ կան, կամ նախկինում ոչինչ չեն ունեցել, այսօր պատգամավորի արտոնություններն են վայելում:

Սովետական մուլֆիլմ կա՝ «Ճամփորդ գորտը», որը միշտ ասում էր՝ «Ես թռչում եմ, թռչում եմ…» և նույնիսկ ֆիլմի վերջում, երբ արագիլը ոտքից բռնում և թռչում է, որպեզի տանի իրեն ուտի, գորտն այդ իրավիճակում էլ ասում է, որ թռչում է: Այ այդ իրավիճակում են այդ ՔՊ-ականները:

Այն ինչ տեղի ունեցավ ապրիլի 17-ից, երբ Արթուր Վանեցյանը նստացույց սկսեց, և մայիսի 1-ից, երբ Ֆրանսիայի հրապարակում սկսվեցին բողոքի ակցիաները՝ իրենց պլյուսներով և մինուսներով դրական տենդենց է: Մենք տեսնում ենք, որ օր-օրի աճում է մարդկանց քանակը: Այսօր արդեն ուսանողներն են մեծ քանակով միացել ակցիաներին, մետրոն էին փակել: Այդ առումով տենդենցը դրակնա է և արդյունքը ժամանակը ցույց կտա»: