Աշխատանք կորցնելը փոքր խնդիր է, երբ այսօր բոլորս կանգնած ենք հայրենիքը կորցնելու վտանգի առջև․ Աննա Մանուկյան

Քաղաքական 20:33 19/05/2022 Հայաստան

Աշխատանք կորցնելը փոքր խնդիր է, երբ այսօր բոլորս կանգնած ենք հայրենիքը կորցնելու վտանգի առջև․ Աննա Մանուկյան

Հայաստան համահայկական հիմնադրամի աշխատակից Աննա Մանուկյանին աշխատանքից ազատել են, քանի որ աշխատանքից հետո մասնակցել է «Դիմադրության» շարժման հանրահավաքներին։

«Երեկ կորցրել եմ աշխատանքս։ Ասեմ՝ բացարձակ վախենալու չէ, ընդհակառակը՝ բորբոքում է օր առաջ այս անօրինություններից ազատվելու ցանկությունը»,-այս մասին Ֆրանսիայի հրապարակում հայտարարեց Աննա Մանուկյանը։

Նրա խոսքով՝ 2012 թ․-ից աշախատել է Հայաստան համահայկական հիմնադրամում՝ որպես ծրագրերի համակարգող։ Երեկ տնօրենի կողմից ստացել է աշխատանքից ազատվելու հրաման՝ ցույցերին մասնակցելու պատճառով։

«Ցույցերին մասնակցել եմ աշխատանքային ժամերից հետո,ժամը 18․00-ից հետո։ Իմ սկզբունքները վեր են ամեն ինչից։ Աշխատանք կորցելը փոքր խնդիր է, երբ այսօր բոլորս կանգնած ենք՝ հայրենիքը կործնելու վտանգի առջև»։

Մանուկյանը նշեց, որ իր աշխատանքային գործունեության ընթացքում դարձել է ավելի հայրենասեր և ավելի շատ է սկսել սիրել Արցախը։ Այսօր նա պայքարում է ՝ այդ ամենը չկորցնելու համար։

«Այսօր ես իմ ընկերների հարազատների հետ պայքարելու ենք հանուն մեր զոհված զինվորների հիշատակի, պայքարելու ենք Եռաբլուրը մեծացնողի դեմ, Ցեղասպանությունը ներողների, Արցախի 70 տոկոսը հանձնողի և Արցախի դրոշից սարսափողի դեմ և հաջողելու ենք»,- եզրափակեց նա։

Հարակից հրապարակումներ`

Աննա Մանուկյան. «Հայաստան» հիմնադրամի տնօրենի հրամանով ազատվել եմ աշխատանքից՝ ցույցերին մասնակցելու պատճառով

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: