Ձեր վստահելի աղբյուրը

«Ընդհանրապես Նիկոլ Փաշինյանի մասին կեղծ լուրերի շրջանառումն ահագնացել է նաև միջազգային մակարդակում, և այդ լուրը ևս կեղծ է»,-կառավարության ճեպազրույցների սրահում նախօրոք գրված տեքստն ընթերցեց ԱԽՔ Արմեն Գրիգորյանը՝ պատասխանելով ցույցերը ճնշելու համար ՌԴ-ից Փաշինյանի՝ օգնություն հայցելու տարածված լուրի վերաբերյալ լրագրողից ակնկալած հարցին:

Նրա խոսքով՝ Փաշինյանը Հայաստանյան ներքաղաքական բոլոր հարցերում միշտ էլ ապավինել է Հայ ժողովրդի կամքին:

«Նույնիսկ նոյեմբերի 9-ից հետո ստեղծված լուրջ ճգնաժամի ընթացքում նա ապավինել է միայն ժողովրդի կամքին և  լուծումը տեսեսել է ներքաղաքական ինստիտուցիոնալ կարողությունների շրջանակում: Ինչ  վերաբերում է ներկայիս ցույցերին, ապա ընդդիմությունը մեկ ամիս է իրացնում է բողոքի ցույց անցկացնելու իր իրավունքը, իսկ դրանց անցկացման օրինակությունը վերահսկում է ՀՀ ոստիկանությունը»,-ասաց ԱԽ քարտուղարը և պնդեց, որ բողոքի ակցիները չեն ստացել հանրության աջակցությունը:

Ըստ Գրիգորյանի՝ իշխանությունը բողոքի ակցիաների հանգուցալուծումը տեսնում է Հայաստանի ներքաղաքական ինստիտուցիոնալ միջոցներով:

Արմեն Գրիգորյանն ընթերցեց նաև Հայաստանում կենսաբանական լաբորատորիաների մասին հնչաց հաջորդ հարցի պատասխանը:

«Նիկոլ Փաշինյանի հրամանով ձևավորվել է աշխատանքային խումբ: Այն համակարգում է ՀՀ-ում կենսաանվտանգության ոլորտը, որը համակարգում է ԱԽՔ-ը»,-ասաց Գրիգորյանը և տեղեկացրեց, որ աշխատանքային խումբը ինտենսիվ աշխատում է բոլոր միջազգային գործընկերների հետ:

Նրա խոսքով՝ աշխատանքային խմբի համակարգմամբ ժամանակին ՌԴ-ից մասնագետներ են այցելել Հայաստան և նրանց բարձրացրած բոլոր հարցերին հայկական կողմը տվել է սպառիչ պատասխան:

«Հայաստանում բոլոր լաբորատորիաներում աշխատում են միայն ՀՀ քաղաքացիներ, դրանք գործում են ՀՀ օրենսդրության համաձայն և միտված են սպասարկեու միայն ՀՀ շահերը: Կենսանավտանգության վերաբերյալ հարցերը մշտապես եղել են ՀՀ-ի և ՌԴ-ի անվտանգության խորհուրդների գրասենյակների համագործակցության օրակարգում»,-ասաց ԱԽ քարտուղարը:

Տեղեկացնելով որ ՀՀ-ի և ՌԴ-ի միջև 2021թ.-ին ստորագրվել է կենսաանվտանգության վերաբերյալ միջպետական հուշագիր՝ Արմեն Գրիգորյան ասաց. «Հայաստանը կենսաանվտանգության հարցում համագործակցում է բոլոր գործընկերների հետ որպեսզի շարունակական բարելավի կարողությունները տարաբնույթ սպառնալիքներին դիմագրավելու հարցում, որը իրականացնում ենք թափանցիկության և միջազգային բարձր չափանիշների հիման վրա»: