Ձեր վստահելի աղբյուրը

Դեռ 2018 թվականին ամերիկյան SpaceX ընկերությունը 250 հազար դոլար է վճարել բորտուղեկցորդուհուն, որը ընկերության հիմնադիր, միլիարդատեր Իլոն Մասկին մեղադրել է սեռական ոտնձգության մեջ: SpaceX-ի և Tesla-ի հիմնադիրը միջադեպը համարում է «քաղաքական դրդապատճառներ ունեցող»: Լուրը հայտնում է «Business Insider»-ը՝ վկայակոչելով վկաների ցուցմունքի վրա:

Բորտուղեկցորդուհու ծանոթի վկայությամբ՝ թռիչքի ժամերն ավելացնելու համար ընկերությունն աղջկան առաջարկել է մերսման դասընթացներ անցնել, այդ ծառայությունը թռիչքների ժամանակ մատուցվում էին Մասկին։ 2016 թվականի թռիչքներից մեկի ժամանակ գործարարը, ըստ բորտուղեկցորդուհու, առանց իր համաձայնության սկսել է դիպչել նրա ոտքերին և առաջարկել ձի գնել՝ էրոտիկ մերսման դիմաց։ Աղջիկը հրաժարվել է առաջարկից, սակայն շարունակել է մերսել՝ «չզբաղվելով սեռական հարաբերություններով»։

2018 թվականին բորտուղեկցորդուհին բողոք է ներկայացրել SpaceX-ի դեմ, քանի որ Մասկին մերժելու պատճառով ընկերությունը սկսել է նրան դուրս մղել։ Այդ տարվա նոյեմբերին, որպես աշխատանքային պայմանագիրը խզելու համաձայնագրի մաս, SpaceX-ը նրան վճարեց 250,000 դոլար փոխհատուցում՝ դատարան չդիմելու խոստման դիմաց։ Համաձայնագրում ներառված էր նաև արձակման վճարի կետը չբացահայտելու դրույթ: Ինչպես նշում է Insider-ը՝ ի տարբերություն բորտուղեկցորդուհու, նրա ընկերուհին ոչ մի պարտավորություն չի ունեցել Մասկ ընկերության հետ, ուստի նա կարողացել է խոսել այս միջադեպի մասին։