Ձեր վստահելի աղբյուրը

Նիկոլ Փաշինյանի հրաժարականը պահանջող և Հայաստանի ու Արցախի անվտանգությամբ մտահոգ քաղաքացիները Ֆրանսիայի հրապարակից երթով շարժվում են դեպի Բաղրամյան 26՝ նախագահական նստավայր։ ՀՅԴ ԳՄ  անդամ, «Հայաստան» խմբակցության պատգամավոր Գեղամ Մանուկյանը հայտարարեց, որ Բաղրամյան 26 է ժամանելու Հայաստանում գտնվող Լիտվայի նախագահը, և այնտեղ արտահայտելու են իրենց քաղաքական պահանջները, բացահայտելու այս իշխանության ստերը։

«Մեր նպատակն այսօր քաղաքական բողոք արտահայտելն է, ներկայացնելն է մեր պահանջը, որ Նիկոլը որևէ մանդատ չունի բանակցելու Արցախի, Հայաստանի հարցով և եվրոպական երկրները աչք են փակում այն բռնատիրական դրսևորումների դեմ, որ կա Հայաստանում։ Սա  է մեր նպատակը, մենք մեր բողոքը ներկայացնում ենք քաղաքակիրթ»,- ասաց Գեղամ Մանուկյանը։  

Հիշեցնենք՝ երեկ հանրահավաքի ժամանակ ՀՅԴ ԳՄ ներկայացուցիչ Իշխան Սաղաթելյանը հայտարարել էր, որ մայիսի 20-ին ժամը 09։30 հավաքվելու են Ֆրանսիայի հրապարակում տարբեր աշխատանքներ ունեն անելու. «Վաղը ճանապարհներ չենք շրջափակելու, ունենք հատուկ ծրագիր։ Տարբեր պատճառներից ելնելով՝ դետալները չեմ հրապարկում։ Այո, լինելու են նաև անհնազանդության ակցիաներ։ Հայաստանում կա միջազգային պատվիրակություն, մեր ձայնը պետք է լսելի դառնա, կան միջոցառումներ, որտեղ ժողովրդի ձայնը լսելի պետք է դառնան։ Ակցիաները կշարունակվեն մինչև ժամը 19։00-ն, իսկ 19։00 հրավիրում ենք հանրահավաք։

Վաղը նորից ունենալու ենք թեժ, կարևոր և վճռական օր»։