Ձեր վստահելի աղբյուրը

«Մենք կառավարական առանձնատան դիմաց ենք մեկ հիմնական ուղերձով՝ Նիկոլ, դու ժողովրդի անունից մեր երկիրը ներկայացնելու որևէ մանդատ չունես, քո ձեռք բերած յուրաքանչյուր պայմանավորվածություն առ ոչինչ է»,- հայտարարեց Իշխան Սաղաթելյանը, երբ  «Դիմադրության» շարժման երթը կանգ էր առել կառավարական առանձնատների մոտ:

Նա ասաց, որ Նիկոլ Փաշինյանը պետք է գնա, որպեսզի Արցախը մնա հայկական, իսկ հայ մարդն ապրի արժանապատիվ, որպեսզի լինի ուժեղ, արդար և ժողովրդավարական Հայաստան:

«Դու արդեն ոչինչ ես, շանս չունես և չես կարող մոլորեցնել ժողովրդին: Մի հատ նայի քանի վարչապետ է եկել քո հետևից ու ինչքան է գալու, դու պետք է գնաս: Դու մի ճանապարհ ունես՝ հեռանաս արագ և անցնցում, չփորձես այս երկիրը ապակայնունացնես, դու պետք է հեռանաս անարյուն»,-ասաց նա և հավելեց. «Այս հանրահավաքի մասնակիցները՝ ծերերից մինչև երեխաները ասում են, որ ուզում են քեզ «հյուր» գան, բայց չեն գա, որովհետև դու պետք է հեռանաս անարյուն, ինչքան արյուն թափել ես, այլևոս հերիք է»:

Կառավարական առնձնատան մոտից երթի մասնակիցները  շարունակեցին քայլեերթը: