Ժողովրդավարական Հայաստանի հակաժողովրդավարական բարքերը՝ ըստ Գոհար Մելոյանի
«Այսօր գտնվում ենք քաղաքական ճգնաժամի պայմաններում»,-ասաց սահմանադրական իրավունքի մասնագետ Գոհար Մելոյանը Ֆրանսիայի հրապարակում կազմակերպած «Ժողովրդավարություն. ընտրություն, թե պարտադրանք» թեմայով քննարկմանը։
Նրա խոսքով, Հայաստանում մի կողմից ունենք հազարավոր մարդիկ, նաև ընդդիմադիր գործիչներ, որոնք Ֆրանսիայի հրապարակում բարձրաձայնում են իրենց արդարացի պահանջը, իրացնում են իրենց սահմանդրական իրավունքը, մյուս կողմից էլ ունենք իշխանություն, որը Հայաստանի բրենդը հայտարարում է ժողովրդավորությունը, միջազգային կառույցներն էլ հայտարարում են ժողավրդավարության առաջընթացի մասին։
Գոհար Մելոյանն արձանագրում է 2018-ից ի վեր Հայաստանում տեղի ունեցած խայտառակ իրադարձություններ՝ ԱԺ շենքի շրջափակում գործադիրի ղեկավարի ուղեկցությամբ, դատարանների շրջափակում օրենսդիր ու գործադիր մարմնինների ներկայացուցիչների մասնակցությամբ, Սահմանադրական դատարանի շուրջ գործընթացները, հակասահմանադրական սահմանադրական բարեփոխումները։
«Այս ամենի հետ գրանցում ենք մեկ տասնյակից ավելի քաղբանտարկյալներ, ընդ որում ԵԽԽՎ-ն հստակ տալիս է քաղբանտարկյալի սահմանումը, և այս անձինք լրիվ տեղավորվում են այս սահմանման մեջ։ Ունենք նաև պատգամավորական անձեռմխելիությամբ օժտված խորհրդարանականի ապօրինի ազատազրկում։ Ունենք ՏԻՄ ընտրություններից հետո ապօրինի ազատազրկում։ Տասնյակ օրինակներ ունենք, երբ իշխող ուժը, քաղաքական նպատակահարմարությունից ելնելով, մեկ-երկու օրում օրեննքեր է ընդունում, ունենք ԶԼՄ-ների գործունեությունը սահմանափակելու դեպքեր իրավակարգավորումների տեսքով։ Պատերազմի, համավարակի ընթացքում հիմնական սահմանափակումներն ուղղված էին մամուլի ազատությանը, ԶԼՄ գործունեությանը»,-թվարկեց նա։
Սահմանադրական իրավունքի մասնագետը նշեց, որ նմամ դեպքերը կարող են հասնել մի քանի հարյուրի։
«Այսքանով հանդերձ, ունենք խորհրդարանական պետություն, որտեղ խորհրդարանը կառավարվում է գործադիր իշխանության կողմից։ Իսկ երբ օրենսդիր իշխանությունը սպասարկում է գործադիրին, այն տեղավորվում է ավտորիտար պետության ձևաչափում։ Իսկ հա հետնահանջ է ժողովրդավարությունից»,-նշեց նա։
Հարակից հրապարակումներ`
- «Փաստ». Փաշինյանը ժողովրդավարությունից խոսում է այն ժամանակ, երբ բռնաճնշումներ են կիրառվում քաղաքական հակառակորդների նկատմամբ, երբ առկա են քաղբանտարկյալներ
- Երևանում փորձում էին բեմադրել ժողովրդավարության թատրոնը․ Իշխան Սաղաթելյան
- Նիկոլ Փաշինյանը՝ ոստիկանական պատի հետևում. Մեր խնդիրն է ապացուցել, որ ժողովրդավարությունը ի վիճակի է ապահովել երկրի անվտանգությունը
- Լիլիթ Գալստյան. Ինձ համար եղկելի է այն «ժողովրդավարությունը»
- Լրագրողներին թույլ չտվեցին ներս մտնել «Մարիոթ» հյուրանոց, որտեղ խոսքի ազատության հարցեր են քննարկում
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
