Բրիտանուհին պնդում է, որ Իրանում ինքնախոստովանական ցուցմունքը ստորագրել է հարկադրանքի տակ
Իրանական բանտից ազատված բրիտանուհի Նազանին Զաղարի-Ռեթքլիֆը պնդում է, որ իրեն Իրանում ստիպել են կեղծ խոստովանական ցուցմունք ստորագրել նախքան Մեծ Բրիտանիա վերադառնալը։ ՏԱՍՍ-ի փոխանցմամբ՝ այդ մասին երկուշաբթի օրը հայտնել է BBC-ն։
Բրիտանուհու խոսքով՝ Թեհրանի օդանավակայանում թռիչքից անմիջապես առաջ Իրանի իշխանությունների ներկայացուցիչներն ասել են, որ ինքը չի կարողանա թռչել, քանի դեռ չի ստորագրել խոստովանական ցուցմունքը։ Զագարի-Ռաթքլիֆը պնդում է, որ իրեն տարել են Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) անդամները և «ստիպված է եղել ստորագրել խոստովանական ցուցմունք»։ Այս գործընթացը ֆիքսվել է տեսախցիկով և տեղի է ունեցել բրիտանական կառավարության ներկայացուցչի ներկայությամբ, որն ազատագրված կնոջն ուղեկցել է հայրենիք։
Զաղարի-Ռաթքլիֆը վրդովմունք է հայտնել այդ դրվագի կապակցությամբ և ասել, որ «նման կեղծ խոստովանություններն արժեք չունեն» և «քարոզչություն է Իրանի ռեժիմի համար»:
Մարտի 16-ին Մեծ Բրիտանիայի վարչապետ Բորիս Ջոնսոնը հայտարարել էր, որ Միացյալ Թագավորությունը ապահովել են բրիտանացի երկու քաղաքացիների ազատ արձակումը, որոնք նախկինում դատապարտվել և բանտարկվել էին Իրանում։ Նրանք 44-ամյա Զաղարի-Ռաթքլիֆը և 67-ամյա Անուշե Աշուրին էին։ Զագարի-Ռաթքլիֆը 2016 թվականին Իրանում դատապարտվել է հինգ տարվա ազատազրկման՝ իշխանությանը տապալելու նպատակով քաղաքական դավադրությանը մասնակցելու համար, իսկ ավելի ուշ մեղավոր էր ճանաչվել մեկ այլ գործով։ 2017 թվականին կալանավորված գործարար Աշուրին 2019 թվականին դատապարտվել է 12 տարվա ազատազրկման՝ իսրայելական հետախուզության հետ համագործակցելու համար։
Բրիտանացիների ազատ արձակման շուրջ բանակցությունները շարունակվում են երկար տարիներ։ Նրանք ակտիվ փուլ մտան անցյալ տարվա հոկտեմբերին, երբ Թեհրան ուղարկվեց բրիտանացի բանակցողների հատուկ թիմ։ Մեծ Բրիտանիայի արտաքին գործերի նախարարությունը նշել է, որ Թեհրանի հետ զուգահեռ բանակցություններ են տարվում Chieftain տանկերի մատակարարման համար բրիտանական 400 միլիոն ֆունտ ստեռլինգ (ավելի քան 520 միլիոն դոլար) պարտքը մարելու ուղղությամբ: Անգլիան 1979 թվականին շահի ռեժիմի տապալումից հետո հրաժարվել էր Իրանին մատակարարել տանկերը՝ արդեն իսկ նրանց համար կանխավճար ստացած լինելով։ Ըստ բրիտանական կողմի՝ պարտքը վճարվել է։
Լրահոս
Տեսանյութեր
Խայտառակություն Թումանյան փողոցում. Չախոյան
