Ձեր վստահելի աղբյուրը

Դիետոլոգը նշել է քաշի կորստի երեք հիմնական սխալները, որոնք խանգարում են արդյունքի հասնել, վնասում են օրգանիզմին և հոգեբանությանը: Նրա խոսքը մեջբերում է Express-ը։

Դիետոլոգ Ջորջիա Էմմա Լաինգի կարծիքով՝ չափազանց խիստ դիետաները չեն աշխատում։ Նա դա բացատրել է նրանով, որ մարդը չի կարող մշտապես շատ սահմանափակ սնվել, և երբ դիետան ավարտվում է, նիհարելը կարող է ձախողվել, քանի որ մարդը սկսում է ուտել այն մթերքները, որոնք արգելված էին: Ավելին, սննդի սահմանափակումների պատճառով մարդը կարող է անընդհատ զգալ էներգիայի պակաս և կեղծ հոգնածություն:

Լաինգը հավելել է, որ կարճաժամկետ էքստրեմալ դիետաները սովորաբար կայուն արդյունք չեն տալիս, իսկ քաշը շատ արագ վերականգնվում է: Օրգանիզմը սթրեսի չենթարկելու և երազած մարմին ստանալու համար դիետոլոգը խորհուրդ է տալիս ավելի սահուն փոփոխությունների գնալ։ «Կայուն դիետաները, որտեղ դուք կարող եք ձեզ ավելի շատ բան թույլ տալ և երբեմն դեսերտ ուտել, հաճախ ամենաարդյունավետն են», - ասել է նա:

Սննդաբանն ուշադրություն է հրավիրել այն հանգամանքի վրա, որ այն դիետաները, որոնց հետևելով մարդը չի ստանում բավարար քանակությամբ սննդանյութեր, վնասակար են և սխալ։ Քաշը կորցնելու այս մեթոդը կարող է արդյունավետ լինել կարճաժամկետ հեռանկարում, սակայն առողջությանը հասցված վնասը կարող է այնքան լուրջ լինել, որ ապագայում ազդի կյանքի որակի վրա։