Ձեր վստահելի աղբյուրը

Ռուսական ամենամեծ շուկա ունեցող Wildberries-ի օգտատերերը նկատել են, որ ընկերությունը սկսել է ավելի զանգվածային պատժամիջոցներ սահմանել ապրանքների վերադարձի համար: Այդ մասին հայտնում է РБК-ն։

VKontakte-ի Wildberries-ի խմբում ծվալված քննարկումից  պարզ է դառնում, որ օգտատերերը մոտ մեկ ամիս առաջ են ստացել զգուշացումներ այն մասին, որ եթե սպառողը հրաժարվի պատվիրված ապրանքներից, ապա կայքը յուրաքանչյուր ապրանքի դիմաց կգանձի 100 ռուբլի: Քննարկման որոշ մասնակիցներ պնդում են, որ ընկերությունը գանձում է այդ գումարը, եթե անգամ անսարք ապրանք է վերադարձվում։

Ընկերությունն ինքը պնդում է, որ վերադարձի քաղաքականությունը չի փոխվել: Ըստ Wildberries-ի ներկայացուցչի՝ ընկերությունը 2020 թվականից փորձարկում է առաքման տարբեր մոդելներ, իսկ եկամտաբերության բարձր տեսակարար կշիռ և մարման ցածր գումար ունեցող օգտվողների համար կիրառվում է հակադարձ լոգիստիկ վճարման դրույքաչափը։ Ընկերությունը չի բացահայտում մարման գումարի չափը և վերադարձի տոկոսը, որոնց համար այդ սակագինը չի կիրառվում:

Ծանուցման մեջ, որը սպառողները տեսնում են զամբյուղում նախքան ապրանքի համար վճարելը, ընկերությունը վկայակոչում է «Սպառողների իրավունքների պաշտպանության մասին» օրենքի 26.1 հոդվածոը: Այն ենթադրում է, որ վաճառողը պետք է գնորդին վերադարձնի պայմանագրով վճարված գումարը՝ բացառությամբ վաճառողի կողմից վերադարձված ապրանքը սպառողին առաքելու ծախսերի:

«Սա պետք է սպառողներին դրդի՝ գիտակցաբար ապրանք պատվիրել և ձեռնարկատերերին պաշտպանել անբարեխիղճ մրցակցությունից, ինչպես նաև բացառել կեղծ հաշիվների ստեղծումը, որոնցից մեծ քանակությամբ ապրանքներ են պատվիրվում, բայց չեն մարվում, ինչը հանգեցնում է վաճառողների վնասների»,-բացատրում է ընկերության ներկայացուցիչը:

Մինչ այս Wildberries-ը հայտնել էր, որ վերադարձի վճարի համակարգը թեստի է ենթարկում օգտատերերի մոտավորապես 5%-ի համար, ովքեր վերադարձնում են ապրանքների 90%-ը: Բայց VKontakte-ի խմբի անդամները հայտնում են, որ հնարավոր տուգանքների մասին նաև նախազգուշացումներ են ստացել նրանք, ովքեր երբեք վերադարձ չեն ունեցել Wildberries-ում գնումների պատմության ընթացքում: РБК-ի թղթակիցները, ովքեր նույնպես նախկինում գումարի վերադարձ չեն ունեցել, երբ փորձում էին պատվեր կատարել, հաղորդագրություն են տեսել ապրանքը վերադարձնելու դեպքում 100 ռուբլի գանձման մասին: Wildberries խմբի անդամները VKontakte-ում նշում են, որ այդ մասին նախազգուշացում կարող է հայտնվել պատվեր կատարելուց հետո: