Ձեր վստահելի աղբյուրը

Երևանում անցկացվող Եվրոպայի բռնցքամարտի առաջնության երկրորդ օրը մարզադահլիճում ներկա էր նաև պրոֆեսիոնալ բռնցքամարտի աշխարհի իննակի չեմպիոն Վիկ Դարչինյանը:Այս մասին հայտնում է Հայաստանի բռնցքամարտի ֆեդերացիան։

Գնահատելով մարզիկների պատրաստվածության աստիճանը, բռնցքամարտի լեգենդը փաստում է, որ չնայած` այսօր երկու մարզիկ մեր հավաքականից պարտվեց, բայց պայքարը գրեթե հավասար էր ընթանում:

Նրա խոսքով` մեր տղաները շատ քիչ էին զիջում մրցակիցներին:

Խոսելով անցկացվող մրցաշարի մասին, ընդգծում է վերջինիս բարձր մակարդակը.

«Ակնհայտ է, որ մրցաշարը շատ լավ է կազմակերպված, հետևում եմ՝ դատավորները լավ են դատում, մարտերն էլ լավ են ընթանում: Սա ասում եմ և՛ որպես մարզիկ, և՛ որպես հյուր»,- ասել է Դարչինյանը:

Նախկին բռնցքամարտիկը վստահ է, որ այս առաջնությունը իր ծավալով մեծ նշանակություն է ունենալու Հայաստանի համար` հատկապես տուրիզմի ոլորտում, քանի որ ամբողջ Եվրոպան է հետևում մրցաշարին: