Ձեր վստահելի աղբյուրը

Հայտարարված 3 ժամ ընդմիջումից հետ ԱԺ ՔՊ խմբակցությունը միաձայն ընդունեց  հատուկ ընթացակարգով՝ երկրորդ  ընթերցումն առաջինից հետո 24 ժամյա ռեժիմով քննարկած 5 օրինագիծը: Բոլոր նախագծերն էլ առանց քննարկման անցան քվեարկության փուլ:

ՔՊ-ն զերծ մնաց «Զանգվածային լրատվության մասին» օրենքում լրացումներ կատարելու մասին նախագծում ընդգրկել նաև հավատարմագրումից զրկված լրագրողներին այլ գերատեսչություններում էլ չհավատարմագրելու առաջարկը:

Նախագծով առաջարկվում է մեկ տարվա ընթացքում երկու անգամ պետական մարմնի ներքին աշխատակարգը և լրագորղների հավատարմագրման կարգը խախտող լրագրողին զրկել տվյալ մարմնում հավատարմագրումից:

Գուրգեն Արսենյանը նախորդ նիստին առաջարկեց, որ օրենքի փոփոխությամբ այլ պետական մարմիններին էլ հնարավորություն տրվի չհավատարմագրել այն լրագրողին, որը երկու նախազգուշացումից հետո զրկվել է որևէ պետական մարմնում հավատարմագրումից, ինչը նշանակում է վտարակ(изгой) լրագրողի ինստիտուտի ներդնում:

ԱԺ-ն երկրորդ ընթերցմամբ և ամբողջությամբ ընդունեց ևս 4 նախագիծ՝

«Հայաստանի Հանրապետության բյուջետային համակարգի մասին» օրենքում փոփոխություններ և լրացումներ կատարելու մասին,

Հայաստանի Հանրապետության ընդերքի մասին օրենսգրքում լրացում կատարելու մասին,

«Կրթության մասին» օրենքում լրացում կատարելու մասին,

Հայաստանի Հանրապետության քրեական դատավարության օրենսգրքում փոփոխություններ և լրացում կատարելու մասին նախագծերը: