Ձեր վստահելի աղբյուրը

Այսօր կրկին հազարավոր հայորդիներ դուրս են եկել փողոցներ՝ արտահայտելու իրենց քաղաքացիական անհնազանդությունն ու պահանջները դավաճանական վարչակազմի նկատմամբ։ Բաղրամյան պողոտայում դիմելով նախագահական և Ազգային անվտանգության խորհրդի շենքերը  շրջափակած քաղաքացիներին՝ ասաց ՀՀԿ փոխնախագահ Արմեն Աշոտյանը։

Հիշեցնենք, որ վաղ առավոտյան «Դիմադրություն» շարժման մասնակիցները Ֆրանսիայի հրապարակից երթով շարժվել են Բաղրամյան պողոտա, որտեղ շրջափակել են երկու շենքերը։ 

«Երևի ոմանք զարմացել են, թե ինչ գործ ունենք մենք հենց այստեղ։ Փորձեմ բացատրել։ Իհարկե Նիկոլ Փաշինյանը դավաճան է, երևի դավաճանության չեմպիոնատում հայ ժողովրդի պատմության մեջ անգերազանցելի դավաճան է։ Երևի Վասակ Սյունին նախանձում է, թե ինչ ավելի մեծ ստորություն կարելի էր անել այս ժողովրդի գլխին, բայց նա չի ֆայմել անել։ Բայց այդ դավաճանը չի գործում միայնակ։ Նիկոլը ոչ մի բանի չէր հասնի, եթե իր կողքը չլինեն իրեն սպասարկող շեստյորկեքը, մարդիկ, որոնք կատարելով Նիկոլի հրահանգները մի փոր կուշտ հացի համար՝ «տակները չոր լինի, փորները լիքը», այս տրամաբանության մեջ Նիկոլի հետ միասին վաճառում են մեր հայրենիքը»,- ասաց Արմեն Աշոտյանը։

Նրա խոսքով՝ ակցիայի մասնակիցները գտնվում են Բաղրամյան պոոտայում տեղակայված երկու կարևոր հիմնարկների մոտ՝ Ազգային ամվտանգության խորհրդի և ՀՀ նախագահի նստավայրի։ Ըստ նրա՝ եթե նորմալ պետություն ունենային, ապա կհպարտանային նախագահական ինստիտուտով՝ ինչպես տարիներ շարունակակ անկախ տարաձայնություններից միշտ հպարատացել են, քանի որ այն եղել է հայկականության խորհրդանիշը, սակայն այսօր այս ինստիտուտը դառնում է հայկական պետականության փլուզման խորհրդանիշը, հայկական պետականության վախճանի խորհրդանիշը։

Արմեն Աշոտյանը նշեց, որ նույնը վերաբերում է նաև Ազգային անվտանգության խորհրդին, որը կարևոր հիմնարկ է ցանկացած երկրի համար, սակայն այն, ըստ նրա, այսօր նույնպես օկուպացված է։

«Օկուպացված է սրիկաների կողմից, օկուպացված է այն մարդու կողմից, որի անունը, ցավոք սրտի, իմ անունից է, իսկ ազգանունը նորմալ հայորդիների ազգանունից՝ Արմեն Գրիգորյան։ Մարդ, որը հայտնի է եղել որպես լրտես, սորոսական, որը լինելով ծագումով արցախցի, լծվել է Արցախի վաճառքի գործընթացին։ Ամոթ այդ մարդկանց, որոնք սպասարկում են Նիկոլ Փաշինյանին։ Եւ մենք այսօր այստեղ ենք՝ ցույց տալու, որ նրանցից ոչ մեկ մեր ուշադրությունից չի պլստալու։ Այս երկու շենքերում եփվում է դավաճանություն, այս երկու շենքերում նստած են մարդիկ, որոնք Նիկոլի հետ միասին չոքեչոք ծախում են Հայաստանը»,- նշեց նա։