Ձեր վստահելի աղբյուրը

Երևանում շարունակում է ընթանալ բռնցքամարտի Եվրոպայի առաջնությունը։ Այս մասին հայտնում է Հայաստանի բռնցքամարտի ֆեդերացիան։

«Այսօր մրցումային 4-րդ օրն է և արդեն կարող ենք ամփոփել 1-ին մրցահերթը։ Մեր հավաքականի 3 հզոր բռնցքամարտիկները` Հովհաննես Բաչկովը, Դավիթ Չալոյանը և Գուրգեն Մադոյանը հաղթանակով են սկսել իրենց մրցելույթները։ 63.5 կգ քաշային կարգում հաղթանակ տոնել են մեր մարզիկ Հովհաննես Բաչկովը, Չեխիայից Պետր Նովակը, Հունգարիայից Ռիչարդ Կովաչը, Իսրայելից Ահմադ Շթիվին, Ուկրաինայից Յարոսլավ Խարցիզը, Իսպանիայից Ադրիան Թիամ Կրեուսը, Ֆրանսիայից Լունես Համրաուին և Շոտլանդիայից Ռիս Լինչը։ 67 մեր մարզիկներից հաղթանակ է  գրանցել Գուրգեն Մադոյանը, որը 2-րդ ռաունդում 3 անգամ նոկդաունի ենթարկեց մրցացկին: Նույն քաշային կարգում հաղթել են նաև   Վրաստանից Լաշա Գուրուլին, Ուելսից Յոան Քրոֆթը, Գերմանիայից Դանիել Կրոտերը, Լեհաստանից Դամիան Դուրկաշը, Մոլդովայից Ալեքսանդրու Պարաշիվը, Շոտլանդիայից Թայլեր Ջոլին և Սերբիայից Վախիդ Աբասովը։ Գերծանր (+92) քաշային կարգում հաղթանակ տոնել Դավիթ Չալոյանը։

Բացի Դավիթից հաջողության հասան նաև Այուբ Գադֆա Դրիսսի Էլ Այսաուն՝ Իսպանիայից, Օմար Մուհամեդ Շիհան՝ Գերմանիայից, Բերաթ Ասարը՝ Թուրքիայից, Դելիշուս Օրայը՝ Անգլիայից, Ահմեդ Հագագը՝ Ավստրիայից, Նիկոլոզ Բեգաձեն՝ Վրաստանից և Նելվի Ռաման Հեսս Տիաֆաքը՝ Գերմանիայից։ Այսօրվա 2-րդ մրցահերթում 92 կգ քաշային կարգում իրենց ուժերն են չափելու մեր հայ մարզիկը` Նարեկ Մանասյանը սլովակ Դավիդ Միխալեկի դեմ»,- ասվում է հաղորդագրությունում։