Ձեր վստահելի աղբյուրը

Ռուս զինվորականները հայտնել են Դոնեցկի Բախմուտ քաղաքի մերձակայքում Ուկրաինայի զինված ուժերի գրոհային բրիգադի դիրքերի վրա հրթիռային հարձակման մասին, գրում է «Ինտերֆաքս»-ը։

«Դոնեցկի Ժողովրդական Հանրապետության Բախմուտ քաղաքի մերձակայքում ՌԴ օդատիեզերական ուժերի բարձր ճշգրտության օդային հրթիռները խոցել են Ուկրաինայի Զինված ուժերի 10-րդ  առանձին լեռնային գրոհային բրիգադի դիրքերը:

Խոցվել են յոթ հրամանատարաշտաբային դիտակետեր, կենդանի ուժի և ռազմական տեխնիկայի կենտրոնացման տասներեք շրջաններ»,- ուրբաթ օրը հայտարարել է ՌԴ պաշտպանության նախարարության ներկայացուցիչ Իգոր Կոնաշենկովը։

Նա նաև հայտնել է, որ Օդեսայի մարզում ռուսական հակաօդային պաշտպանության համակարգերի կողմից խոցվել է ուկրաինական ՄիԳ-29 կործանիչ։

Նա նաև հայտնել է, որ Ռուսաստանի Դաշնության օպերատիվ-մարտավարական և բանակային ավիացիան խոցել է կենդանի ուժի և ուկրաինական զինտեխնիկայի կենտրոնացման 44 տարածք, ինչի հետևանքով ոչնչացվել է ավելի քան 250 զինվորական։

«Ընդհանուր առմամբ, հատուկ ռազմական գործողության սկզբից ոչնչացվել են՝ 180 ինքնաթիռ, 127 ուղղաթիռ, 1027 անօդաչու թռչող սարք, 324 զենիթահրթիռային համակարգ, 3281 տանկ և այլ զրահատեխնիկա, 438 համազարկային կրակի ռեակտիվ համակարգ, 1693 դաշտային հրետանի և ականանետ, ինչպես նաև 3218 միավոր հատուկ ռազմական մեքենա»,- ասել է Իգոր Կոնաշենկովը։