Ձեր վստահելի աղբյուրը

Կաթնաթթվային կաթնամթերքը, չկեղևազրկված հացն ու կաթնաշոռը կարելի է համարել լավագույն նախաճաշը: Այդ մասին «Վեչերնայա Մոսկվա»-ին ասել է սննդաբան, բժշկական գիտությունների դոկտոր Միխայիլ Գինզբուրգը։

Բժիշկը խորհուրդ է տվել օրը սկսել առողջարար մթերքներով, որոնք օրգանիզմը կապահովեն անհրաժեշտ էներգիայով և թույլ կտան պահպանել հագեցվածության զգացումը։ Նույնիսկ սուրճը կարող է լինել առողջ նախաճաշի մի մասը, սակայն անհրաժեշտ է ըմպելիքը համադրել կոշտ հացի, կաթնաշոռի կամ վարսակի փաթիլների հետ։

«Դուք կարող եք ավելացնել մի բաժակ ֆերմենտացված կաթի ըմպելիք, ռյաժենկա: Օրինակ, վերցրեք կաթնաշոռն ու ռյաժենկան, խառնեք, ավելացրեք վարսակի փաթիլներ, նորից խառնեք, մյուս ձեռքով սուրճ վերցրեք, կաթ ավելացրեք։ Կերեք առաջին խառնուրդը և խմեք երկրորդը»,-բացատրել է սննդաբանը:

Նախաճաշին ավելի լավ է հրաժարվել պանրով սենդվիչներից, այն անհարկի աղի արտադրանք է։ Դուք կարող եք նվազեցնել աղի բացասական ազդեցությունը՝ ձեր սենդվիչին ավելացնելով հազար, բանջարեղեն կամ ցանկացած կանաչի: