Ինչո՞ւ տեղի ունեցավ Կառավարության 3-րդ մասնաշենքի դիմացի բախումը
«Հայրենիք» կուսակցության քաղխորհրդի անդամ, իրավաբան Արսեն Բաբայանը գրում է.
«ՀՀ ԱԺ ընդդիմադիր շուրջ 20 պատգամավորները ոստիկանությանը հայտնեցին, որ բացառապես պատգաավորները ցանկություն ունեն մտնելու Կառավարության շենք և հանդիպել նախարարներին։ Հիշեցնեմ, որ Պատգամավորն սեղմ ժամկետում ընդունելության իրավունք ունի կառավարության ցանկացած անդամի մոտ։ Միաժամանակ անհրաժեշտ է նշել, որ Պատգամավորներն ունեն անարգել մուտքի իրավունք բոլոր պետական և տեղական ինքնակառավարման մարմիններ։
Ոստիկանությունն անտեսելով Սահմանադրությունը և օրենքները արհեստական խոչընդոտ ստեղծեց հայտնելով, թե իբր իրենք իրավունք ունեն թույլ չտալու պատգամավորների մուտքն այնքան ժամանակ, քանի դեռ չունեն ընդունելության մասին մյուս կողմի համաձայնությունը։
Պատգամավոր Ագնեսա Խամոյանը հստակ ներկայացրեք անարգել մուտքի Պատգամավորի օրենսդրական լիազորությունը, որը կրկին անտեսվեց ոստիկանության կողմից։ Այնուհետև ԱԺ փոխնախագահ Իշխան Սաղաթելյանը, բանակցությունների տրամաբանությամբ, հինգ րոպես ժամանակ տվեց ոստիկանությանը, որպեսզի կատարեն ճշտումներ և ապահովեն Պատգամավորի օրենսդրական լիազորության իրացումը։ Կրկնեմ, որ տվյալ իրավիճակում տրված հինգը րոպեն ավելին էր, քան օրենսդրությամբ նախատեսված սեղմ ժամկետը։ Տևական ժամանակ ոստիկանությունը շարունակեց թույլ չտալ Պատգամավորների մուտքը պետական շենք, որն էլ առաջացրեց լարվածություն քաղաքացիների և ոստիկանության ծառայողների միջև։
Անհրաժեշտ էր, որ ոստիկանության ծառայողները պահպանեին Սահմանադրությունը և օրենքները, միայն այդ դեպքում էր հնարավոր կանխել տեղի ունեցած բախումները։
Ոստիկանությանը հորդորում եմ ղեկավարվել բացառապես Սահմանադրությամբ և օրենսդրությամբ իրենց վերապահված լիազորությունների և պարտականությունների շրջանակով, ապահովել օրենսդրությամբ երաշխավորված ազատությունները, իրավունքներն ու առանձին խմբերի անձանց հատուկ լիազորությունները»։
ԱԺ պատգամավոր Տիգրան Աբրահամյանն էլ գրում է.
«Ոստիկանությունը կառավարության 3-րդ մասնաշենքի առաջ կտրուկ լարեցին իրադրությունը։
Եթե ոստիկանն ուզում է իշխանության հետ համատեղ երկրի պետականության անկումը կիսել կամ պատասխանատվություն ստանձնել հանձնված հայրենիքի և մեր հազարավոր նահատակների վերաբերյալ, դա արդեն իր ընտրությունն է»։
Հարակից հրապարակումներ`
- Ոստիկանների հետ քաշքշուկի հետևանքով ոստիկանն ուշագնաց է եղել, քաղաքացին վնասվածք ստացել
- Նախարարությունների շենքի դիմաց լարված իրավիճակ է
Լրահոս
Տեսանյութեր
Վ.Հակոբյան. Ռուսաստանի հետախուզությունն ասում է՝ գիտենք, ինչ փողեր են գալիս, ում գրպաններն են մտնում
