Ձեր վստահելի աղբյուրը

Նիկոլ Փաշինյանի հրաժարականը պահանջող և Հայաստանի ու Արցախի անվտանգությամբ մտահոգ քաղաքացիները կառավարության 3-րդ մասնաշենքից երթով վերադառնում են Ֆրանսիայի հրապարակ։

«Առաջին օրվանից ասել եմ՝ այս պայքարը պահանջում է համառություն, տոկունություն, զոհաբերություն»,- երթի ընթացքում, որին նախորդել էր բախում, քաշքշոց քաղաքացիների ու ոստիկանների միջև, ասաց ՀՅԴ ԳՄ  ներկայացուցիչ Իշխան Սաղաթելյանը։

Նա դիմեց քաղաքացիներին՝ պատրա՞ստ են արդյոք դրան, արձագանքը եղավ՝ «Այո»։

«Հնարավո՞ր է կասեցնել այս շարժումը, թե՞ ոչ»։

Արձագանքը եղավ՝ «Ոչ։

«Դե ուրեմն մինչև վերջ։ Հատ-հատ պատասխան են տալու, բոլորն են տալու, որևէ մեկին չթվա, որ կարող է քաղաքացուն խփի ու մարսի, չեն պլստալու»,- աաց Սաղաթելյանը։

Նրա խոսքով, իշխանությունը ցայտնոտի մեջ է, 100-ից ավելի մարդ են բերման ենթարկել. «Թող ենթարկեն։ Ինչքան բերման ենթարկենք, այնքան շատանալու ենք, ավելանալու ենք։ Թուրքի ոտքը Հայաստան չի մտնելու, թշնամին Հայաստանից հեռանալու է։

Ուրեմն՝ հունիսի 3-ը ջրբժան է, բոլորը պետք է կողմնորոշվեն՝ կամ ժողովրդի հետ են, կամ ժողովրդի դեմ են»։