Ձեր վստահելի աղբյուրը

Ռուս զինվորականները Մարիուպոլի «Ազովստալ» գործարանի նկուղներում հայտնաբերել են ֆուրգոն՝ ականապատված ուկրաինացի ազգայնականների դիերով։ ՌԴ պաշտպանության նախարարության ներկայացուցիչ, գեներալ-մայոր Իգոր Կոնաշենկովը նշել է, որ ՊՆ-ն դա համարում է Կիևի կողմից սադրանքի փորձ, գրում է «Ռիա Նովոստի»-ին։

«Գերեվարված Ազովի զինյալների հարցաքննությունների արդյունքում պարզվել է, որ դիակների ականազերծումն իրականացվել է Կիևի անմիջական հրահանգով: Սադրանքի նպատակն է Ռուսաստանին մեղադրել դիերի մնացորդները միտումնավոր ոչնչացնելու և թույլ չտալ, որ դրանք դուրս բերվեն հարազատներին հանձնելու համար, որպեսզի փրկեն Կիևի ռեժիմի և անձամբ Զելենսկու քաղաքական «հեղինակությունը»»,- ասել է գեներալ-մայորը։

Նա նշել է, որ ֆուրգոնի հովացման համակարգը չի աշխատել։ Այնտեղ պահվել են ազգայնականների և Ուկրաինայի զինված ուժերի զինծառայողների 152 դի։

Կոնաշենկովը հստակեցրել է, որ հետազոտության ժամանակ ռուս սակրավորները չորս ական են գտել, ընդորում ՝ դրանցում պայթուցիկի ընդհանուր զանգվածը բավարար է եղել մնացած դիակների բոլոր մնացորդների ոչնչացման համար:

Ռուսական կողմը մտադիր է մարմինները հանձնել Ուկրաինայի ներկայացուցիչներին։

Պաշտպանության նախարարության ներկայացուցչի խոսքով՝ «Ազով»-ի հրամանատարությունը, գերի ընկնելուց առաջ, հրապարակայնորեն դիմել է Զելենսկիին՝ խնդրելով վերցնել մահացածներին, որպեսզի ընտանիքները կարողանան թաղել նրանց Կիևի վարչակարգի վերահսկողության տակ գտնվող տարածքում, սակայն ոչ մի դիմում չի ստացվել «Ազովստալ» գործարանից մահացածների մարմինները ստանալու վերաբերյալ։