Ձեր վստահելի աղբյուրը

Հունաստանի վարչապետ Կիրիակոս Միցոտակիսը երեքշաբթի օրը Բրյուսելում, Եվրամիության գագաթնաժողովի շրջանակներում Գերմանիայի կանցլեր Օլաֆ Շոլցին տեղեկացրել է Թուրքիայի սխալ գործողությունների և ագրեսիվ հռետորաբանության մասին, որը խաթարում է կայունությունը Արևելյան Միջերկրական ծովում։ Այս մասին հայտնում է ՏԱՍՍ-ը՝ հղում անելով  Proto Thema թերթի հրապարակմանը, որտեղ ներկայացված է Հունաստանի կառավարության աղբյուրներից ստացված տեղեկատվությունը։

Ըստ պարբերականի՝  Հունաստանի վարչապետը 2021 թվականի դեկտեմբերին պաշտոնը ստանձնած Գերմանիայի կանցլերի հետ իր առաջին հանդիպման ժամանակ ընդգծել է Թուրքիայի գործողությունների պատճառով տարածաշրջանում առաջացած լարվածության աճի փաստը։

«Կառավարական աղբյուրների համաձայն՝ Միցոտակիսը Գերմանիայի կանցլերին մանրամասն տեղեկացրել է թուրքական սադրանքների՝ Հունաստանի օդային տարածքի խախտումների և հունական կղզիների վրայով թուրքական զինվորական ինքնաթիռների թռիչքների, ինչպես նաև հարևան երկրի ագրեսիվ հռետորաբանության մասին, որը խաթարում է կայունությունը Միջերկրական ծովում»,-ասել է նա։

Ըստ պարբերականի ունեցած տեղեկատվության՝ Միցոտակիսը Շոլցին ցույց է տվել թուրքական «Երկնագույն հայրենիքի» քարտեզը (Անկարայի հավակնությունները հսկայական տարածքային ջրերի և Էգեյան, Միջերկրական և Սև ծովերի ծովախորշերի նկատմամբ ) և խնդրել Գերմանիայի աջակցությունը, այն է՝ հրաժարվել Աթենքից և Անկարայից հավասար հեռավորություն պահպանելու քաղաքականությունից։

«Ըստ կառավարական աղբյուրների՝ պարզ է, որ Աթենքին դուր չի գալիս հավասար հեռավորությունների տրամաբանությունը, որով առաջնորդվում է Գերմանիայի կառավարության ներկայացուցիչ Քրիստիանե Հոֆմանը, որը երկու երկրներին կոչ է անում տարաձայնությունները լուծել երկխոսության միջոցով»,-գրում է պարբերականը